Goobne Chicken (M88) (已結業)

星期日先嚟打風，但無礙我的節目行程，上半場先同媽媽去黃埔食tea，之後即刻過中環應邀下半場，同老公食飯，忙碌到暈。一見到我老公就開始落雨，似乎我們二人八字唔夾。Goobne Chicken其實離地鐵站頗近，近蘭桂坊，我們6:30到達，已經有幾枱客人。餐廳裝修簡單，分別有卡位，bar枱等，卡位間有屏風隔開，增加私隱度。我們二人點了一個沙律，一個雞及一勺飲品。招牌凱撒沙律有紫椰菜，生菜，蕃茄仔等，撒上大量的芝士粉在面，配上凱撒醬及麵包糠，沙律新鮮爽脆，麵包糠香脆，感覺清新，中和油膩感，份量十足。蜜糖咖哩烤雞烤雞外形美觀，雞皮烤到金黃色，皮脆肉嫩，很有肉汁，但蜜糖味蓋過了咖哩香，所以更偏向蜜糖烤雞多些，另外烤雞不會油膩，份量十足，有兩隻雞全翼，兩隻雞肶，其他雞件約有七至八件，兩個人都吃不完。香桃韓式米酒上次試過，味道很適合我這些不喜酒味的人，今次再叫，味道依然，，今次較凍，比上次更好飲。一jar有7-8杯，份量極多，桃味香濃，酒味不重，反而似桃味乳酪，不會太甜，適合一家大細飲用。總括而言，烤雞真係無得頂，雖然價錢有些貴，但食物份量非常足，性價比高。