影片
更多
2021-11-04
620 瀏覽
要食得舒適,更係要揀啱日子,唔洗迫唔洗等,星期一二食飯最好,仲要夾啱halloween第二日,個個攰到傻,係屋企唔出街,咁就啱啦,call埋飯腳,同大人一齊食煲仔飯.第一,更係打去留枱,第二,問定有咩是日鮮食.今日有田雞又有黃鱔,留一份田雞唔煲仔,改北菇蒸.我最早到,飯腳跟住到,趁大人未到拿拿聲落單,豆豉鯪魚煲仔飯,咁頂癮?都係食臘鴨脾,平時大人唔鍾意我食醃製食物,機會黎啦!最終決定,臘鴨脾煲仔飯+蛋+凍飲$63+$5+$8臘腸滑雞煲仔飯+凍飲.$63+$8黃金豬扒套餐+凍飲.$63咕嚕雞球套餐+凍飲.$63落完單,有湯送黎.有豬骨有紅蘿蔔有合掌瓜.煲仔飯未繁忙時間大約要20分鐘,蒸餸都差唔多,計啱時間其他餸唔會凍曬.黃金焗豬扒,即係鹹蛋黃豬扒,豬扒唔乾有咬口,加埋鹹蛋黃油,非常罪惡,放入口果下幾驚大人出聲呀.北菇蒸田雞,出街食係咁上下份量,當然唔可以用當年自煮一人獨食三田雞作計算,依家大人係度,有得食都偷笑啦,田雞新鮮,肉嫩,不過真係細隻d.煲仔飯係重點,個飯黎到焗一陣,落豉油,再焗一陣,就會有飯焦.打開個煲.臘鴨鹹香撲鼻而來,雖然依家唔凍,但聞到就充滿冬日感覺,加粒蛋落去,焗一焗,
唔洗迫唔洗等,星期一二食飯最好,
仲要夾啱halloween第二日,
個個攰到傻,係屋企唔出街,
咁就啱啦,call埋飯腳,同大人一齊食煲仔飯.
第一,更係打去留枱,
第二,問定有咩是日鮮食.
今日有田雞又有黃鱔,
留一份田雞唔煲仔,改北菇蒸.
我最早到,飯腳跟住到,
趁大人未到拿拿聲落單,
豆豉鯪魚煲仔飯,咁頂癮?
都係食臘鴨脾,
平時大人唔鍾意我食醃製食物,機會黎啦!
最終決定,
臘鴨脾煲仔飯+蛋+凍飲$63+$5+$8
臘腸滑雞煲仔飯+凍飲.$63+$8
黃金豬扒套餐+凍飲.$63
咕嚕雞球套餐+凍飲.$63
落完單,有湯送黎.
有豬骨有紅蘿蔔有合掌瓜.
例湯
19 瀏覽
0 讚好
0 留言
煲仔飯未繁忙時間大約要20分鐘,
蒸餸都差唔多,
計啱時間其他餸唔會凍曬.
16 瀏覽
0 讚好
0 留言
黃金焗豬扒,即係鹹蛋黃豬扒,
豬扒唔乾有咬口,加埋鹹蛋黃油,非常罪惡,
放入口果下幾驚大人出聲呀.
黃金焗豬扒
13 瀏覽
0 讚好
0 留言
北菇蒸田雞,出街食係咁上下份量,
當然唔可以用當年自煮一人獨食三田雞作計算,
依家大人係度,有得食都偷笑啦,
田雞新鮮,肉嫩,不過真係細隻d.
北菇蒸田雞
11 瀏覽
0 讚好
0 留言
煲仔飯係重點,個飯黎到焗一陣,
落豉油,再焗一陣,就會有飯焦.
煲仔飯
103 瀏覽
0 讚好
0 留言
打開個煲.臘鴨鹹香撲鼻而來,
雖然依家唔凍,但聞到就充滿冬日感覺,
加粒蛋落去,焗一焗,撈一撈,食得.
係哩煲飯黎講,d 臘鴨都唔係重點,
重點係吸左臘鴨油鹹香同蛋汁既飯,
啖啖油香,啖啖肥美.
臘鴨脾煲仔飯加蛋
25 瀏覽
0 讚好
0 留言
臘腸雞落少d豉油,
因為臘鴨果煲已經好濃味,
雞肉滑,都肥,臘腸係瘦腸,都平衡,
臘腸雞煲仔飯
21 瀏覽
0 讚好
0 留言
咕嚕雞球,已經有人偷食,酸酸甜甜,唔錯,
可惜今日煲仔飯已經搶左fo.
咕嚕雞球
44 瀏覽
0 讚好
0 留言
最後,仲有糖水,今日係蕃薯糖水,
帶少少薑味,個人覺得甜左dd,
但大人覺得ok.
蕃薯糖水
14 瀏覽
0 讚好
0 留言
飯腳吼大人去廁所,
問我係味咪想撈埋foodie所以寫食評,
依家個市道咁,政府d 政策搞到少左咁多job,無聊寫下啫,
做foodie咪比大人知我係出面食過乜,咪啦,食完哩餐佢冇發脾氣,仲要今餐菜都冇條,
我黎緊有排都要食草為生啦....
張貼
