逸月軒

營業中

休息中

睇戲未夠鐘，走去飲個早茶先。睇下早茶張點心紙都有好多款式，超級孖寶每份31.8。叫左兩份就有四款點心，加兩粒蝦蛟，兩個人食飽飽。呢度用透明茶壺裝茶，仲有蠟燭台保溫。.煎釀虎皮椒，四大條，釀滿魚膠，結結實實，口感佳，尖椒不太辣。南乳炆豬手，豬手有三大件，皮厚肉較少，醬汁味濃郁，伴有花生底。鴛鴦燒賣皇，豬肉燒賣及牛肉燒賣各兩粒，兩種都爽口，大大粒幾好味。蜜汁叉燒腸，腸皮唔夠薄，有點稠身，叉燒冇咩味，呢碟係唯一食剩嘅點心。水晶蝦餃，蝦肉都算爽口，但餃皮有點黏，唔夠薄身。