影片
更多
2011-09-19
5 瀏覽
呢間舖都開咗一段時間, 可能比佢的菜式嚇怕, 因為佢主打酸辣粉, 但我唔食得辣, 所以一直未能吸引我去幫襯. 不過果晚行過, 見佢晚飯好似幾抵食咁, 三十幾蚊個餐, 有湯有送品有飯有餸, 所以响門口考慮咗一陣, 亞姐即刻落哂嘴頭, 又話好抵食架, 試下啦~~ 見我地望下望下, 想入又唔入之間, 佢竟然好醒目地問係咪想坐卡位呢?? 又話邊張就走, 入去坐住先............但我地堅持唔入去住, 係都要人地真係走先入去, 點知等咗幾分鐘, 佢話就走果張竟然未走, 係近門口果張走先, 心諗好食又一餐, 唔好食又一餐, 又勇於嘗試的精神, 入去試一試啦~~~ 入去坐低, 睇咗好耐食乜, 見佢樣樣都好似辣, 唔辣的冇乜選擇, 而且佢d餐唔係個個送湯送飲品, 諗到頭都大先諗到, 但估唔到佢舖仔細細, 搵個伙計見到我地都咁難, 等咗好耐先截住個經理落單................ 熱豆漿跟餐送的, 雖然唔濃豆味, 但起碼唔太甜 乾撈紅薯寬粉開頭以為佢係凍, 原來係熱辣辣的, 開頭食都唔覺辣, 但唔知點解越食越辣, 又酸又辣.................如果加餸係要加錢的, 佢本身只
入去坐低, 睇咗好耐食乜, 見佢樣樣都好似辣, 唔辣的冇乜選擇, 而且佢d餐唔係個個送湯送飲品, 諗到頭都大先諗到, 但估唔到佢舖仔細細, 搵個伙計見到我地都咁難, 等咗好耐先截住個經理落單................
熱豆漿
跟餐送的, 雖然唔濃豆味, 但起碼唔太甜乾撈紅薯寬粉
開頭以為佢係凍, 原來係熱辣辣的, 開頭食都唔覺辣, 但唔知點解越食越辣, 又酸又辣.................如果加餸係要加錢的, 佢本身只係有花生、蔥粒、肉碎..............花生真係超多, 肉碎撈撈下好似唔見哂咁...........
第一次食薯粉, 烟烟un un, 都幾得意, 唔知點解寬粉價錢會貴d???
清湯牛腩鍋
真係成鍋上, 連埋點着火的結晶一齊上, 比你一路食一路heat住佢, 上枱時都仲未係滾, 只係有煙出, 要煲多幾分鐘先滾一可以開蓋食...........一開就比果陣羶味嚇親, 我以為佢上錯咗羊肉煲tim~~ 嘩..........從來未食過咁羶的牛腩, 好彩食落冇咁勁羶味, 叫做可接受, 如果唔係真係會退貨................其實牛腩唔係有好多舊, 蘿蔔的比例也差不多, 大家都係一半一半左右~~ 蘿蔔都好林, 但冇乜入味........... 個湯好味精, 一d都唔清湯~~
糖醋排骨飯
呢個係套餐, 係咪應該最快上呢?? 都唔知點解係最遲上, 起碼等咗廿分鐘以上, 我見隔離枱都有追, 所以我先冇追, 真係待到頸都長..................仲以為d糖醋排骨係一粒粒細細粒上, 點知係一大舊, 難咬到死, 舊骨又炸得乾, d汁又酸, 大排檔果d好食好多lor~~~
張貼
