博派麵館 (已結業)

係openrice到見到呢間米線好多好評，今日就黎試一試啦！係細街入面，唔易搵，去到門口，見到好大個transformer就係喇！咦？點解咁多好評但午飯時間一個客人都無呢？我地都思考左一陣先決定去試一試真伏定假伏！叫左必食推介牛肉牛舌米線，希望唔會出事啦！賣相正常，湯底鮮甜，牛肉牛舌燒得幾好味！食得辣嘅朋友要試下鎮店之寶超級勁辣辣椒油！我唔係好食得辣，食左少少，辣到食完碗米線都仲覺得辣！鐘意刺激嘅朋友要去挑戰下！呢碗$68，同附近餐廳比的確貴左少少，唔怪之得午飯時段都無客人啦！