佳記餐廳 (已結業)

星期六早上要返工，返工前通常約埋同事一齊去食個早餐，以往去開樂道食，今次同事建議去寶勒巷的佳記，反正我都未食過，當然贊成去試下個早餐。餐廳地方幾大，好多坐位，去到同事已經攞左位，跟住就睇下個餐牌早餐選擇唔算多，都係主要茶餐廳的經典早餐，我揀左個A餐－火腿素鮑魚絲通粉，碗通粉一上枱，就感覺到好大碗，份量好多，火腿和素鮑魚絲都鋪滿成碗，鮑魚絲食落煙煙韌韌，真係有啲似鮑魚，湯底就用了雞湯，味道唔錯。成個早餐都係唔錯，價錢比起同區其他餐廳都平幾蚊，再加上份量夠多，同事果然無介紹錯，又多個食早餐的好地方。