影片
更多
2024-08-11
194 瀏覽
北上北上，唔通個個星期都北上咩。今個星期就決定留港玩樂，趁住天氣好暑假又就快完，最啱帶埋仔仔去農莊玩，等佢好好放電！8月份優惠只係$80一位任玩遊樂設施，特別設施就5選1，因為我地3人入場可揀3樣，再加$30多1樣，好抵玩👍🏻✦ 特別設施我地揀咗釣魚、釣蝦、兒童電動車、餵小動物，基本上都係同仔仔一齊玩！特別推薦釣蝦同釣魚，因為出面釣蝦場都幾貴，而且係農莊釣完秤完比錢就可以即刻燒嚟食，又大隻生猛👍🏻我仔仔都好鍾意餵小動物，有兩隻山羊同四隻大龜！✦ 小童遊戲設施除咗室外嘅千秋、攀爬架等，仲有室內遊戲區，入邊有彈床、充氣城堡同滑梯😍我仔仔就好鍾意揸電動車，個電動車場仲同機電署拎正牌好安全👍🏻女仔們就可以做吓手工好靚㗎！✦ 玩咗幾個鐘攰啦就準備BBQ，職員好好一早幫我哋開咗爐！BBQ大人$158一位任食包自家製涼茶，有好多款包括羅漢果茶、菊花蜜柑桔蜜等等，係店家自製嘅超好飲清涼解渴👍🏻小童110米以下係免費，嘢食有好多款，蒜蓉牛油蜜糖全部齊全！✦唔好以為農莊一定熱同曬，佢嗰度有幾間冷氣房可以打麻雀同埋唱卡拉OK 㗎👍🏻小朋友記住帶埋泳衣過嚟玩下水禮，因為有個好大嘅池可以玩泡泡浴，玩完仲有沖身房
✦ 特別設施我地揀咗釣魚、釣蝦、兒童電動車、餵小動物，基本上都係同仔仔一齊玩！特別推薦釣蝦同釣魚，因為出面釣蝦場都幾貴，而且係農莊釣完秤完比錢就可以即刻燒嚟食，又大隻生猛👍🏻我仔仔都好鍾意餵小動物，有兩隻山羊同四隻大龜！
✦ 小童遊戲設施除咗室外嘅千秋、攀爬架等，仲有室內遊戲區，入邊有彈床、充氣城堡同滑梯😍我仔仔就好鍾意揸電動車，個電動車場仲同機電署拎正牌好安全👍🏻女仔們就可以做吓手工好靚㗎！
✦ 玩咗幾個鐘攰啦就準備BBQ，職員好好一早幫我哋開咗爐！BBQ大人$158一位任食包自家製涼茶，有好多款包括羅漢果茶、菊花蜜柑桔蜜等等，係店家自製嘅超好飲清涼解渴👍🏻小童110米以下係免費，嘢食有好多款，蒜蓉牛油蜜糖全部齊全！
✦唔好以為農莊一定熱同曬，佢嗰度有幾間冷氣房可以打麻雀同埋唱卡拉OK 㗎👍🏻小朋友記住帶埋泳衣過嚟玩下水禮，因為有個好大嘅池可以玩泡泡浴，玩完仲有沖身房，仔仔玩得超開心👏
總結一下，場地多野玩、職員友善、又有得免費無限時泊車，咁多元化同抵玩嘅農莊去邊度搵？除左散客，佢地仲做埋團體book場，夜晚仲可以露營，無論係一家人/情侶/一大班朋友都好岩玩😎
張貼
