廢茶 (葵涌廣場) (已結業)

葵芳廣場不嬲都好好行又多嘢食，今日喺嗰度行完街，未到食飯時間，但係突然之間好口渴，想搵啲嘢飲下同埋食下，經過呢一間廢茶，舖面好大，仲有好多好得意嘅樹瀨公仔，俾佢吸引咗！而且都幾多人等緊，就揀佢飲嘢食嘢啦。我哋叫咗兩杯嘢飲，一杯係黑糖珍珠口奶，令一杯係果茶，係菠蘿茶。黑糖珍珠勁好味，感覺到好足料，牛奶味好香，黑糖味好濃，珍珠咬口好正，成杯都好出色，雖然佢叫Hea tea但係一啲都唔hea。朋友杯菠蘿炒都試咗一啖，甜甜地茶味好香，唔會係一杯好酸嘅果茶。另外我哋仲叫咗個雞肉卷同埋甜品，因為啲相好吸引。黑糖奶蓋窩夫好正，即叫即整，窩夫，唔錯，最正係黑糖奶蓋呢個配搭超級正，好好味。雞肉卷有四份，都唔錯，有好香嘅蜜糖味。唔錯嘅小食飲品店！下次經過再幫襯。