廢茶 (葵涌廣場) (已結業)

22-6-2023 (Thur)端午節假期,同老公食埋又一戟後,要搵嘢飲喇,我哋就落嚟搵呢間,嚟到時睇吓飲乜先,見到$27.00嘅青黃檸檸紅茶/綠茶,我就要呢個綠茶.等咗一陣就整好,飲吓先,佢唔太甜,幾清新,不過口感有少少嚡,但好解渴.題外話:有好多樹懶毛公仔賣嘅呢間喺7月9 日前結業,唔知加拿分道嗰間有冇樹懶毛公仔賣呢?不過好彩我都趕得切結業前嚟幫趁.詳細分數係: 味道 : 4     環境:  5              服務: 4              衛生: 5                抵食: 2.8   

鐵觀音奶茶是台灣的一道經典飲品，也是許多人喜愛的口味之一。這間位於葵芳的「廢茶」餐廳的鐵觀音奶茶的確不錯，這裡的鐵觀音奶茶的口感濃郁，香氣撲鼻，喝起來非常滑順。奶茶的濃度適中，不會太淡或太濃，使人喜歡喝下去。奶茶的甜度掌握得很好，不會過甜或過淡，給人一種恰到好處的甜味感受。這使得奶茶更加平衡和易於接受。鐵觀音奶茶的茶香濃郁，帶有微微的焦糖香氣，這使得整杯奶茶更加香甜可口，令人愛不釋手。奶茶的口感非常順滑，入口即化，使人感到非常舒適和滿足。這是一杯可以讓人放鬆身心的美味飲品。「廢茶」使用的茶葉質量很高，這使得奶茶的味道更加純正和鮮明。茶葉的品質是一杯好茶的重要因素之一，而「廢茶」不單做得很好，而且奶茶價格合理，物超所值。無論是份量還是口感，都能給人一種物超所值的感受。總結來說，「廢茶」餐廳的鐵觀音奶茶絕對是一款令人滿意的飲品。它擁有濃郁的茶香和順滑的口感，甜度適中，給人一種舒適和愉悅的感受。不僅如此，這家餐廳的服務態度友好，價格合理，使整體用餐體驗更加完美。如果你喜歡台灣風味的奶茶，我強烈推薦你來「廢茶」餐廳品嚐他們的鐵觀音奶茶，你一定不會失望。

黎到葵涌廣場，梗係掃街，呢間鐵觀音奶茶自稱大熱，買杯芝士奶蓋鐵觀音嘆下，員工無笑容都吾緊要， 點知… 茶底好苦點飲😮‍💨咁難得嚟到，浪費咗個quota 無下次..

古早奶茶🧋（微糖、少冰） $23甜度是偏甜的～茶底挺香的😋，奶味也香醇、口感滑溜；相比起綠茶底/紅茶底，古早味的茶底相對較有特色！芝士奶蓋伯爵茶🧋（微糖、小冰+$6黑糖珍珠）$36甜度也是偏甜的，若果不選擇微糖可能會較甜～伯爵茶底🌱不錯，每一淡都有淡淡的伯爵茶香，如果茶味更出會令口感更濃醇🤔；芝士奶蓋味道較淡🤣，沒有太多芝士🧀️味，反而被珍珠同茶的味遮蓋過左，達不到互相呼應，有小小可惜；珍珠煙靭有咬口，而且不會過硬，甜度也適中👍🏻，但嚐不到黑糖的味道👅分數：？/10食物🥘：7/10環境🏞️：8/10服務👩🏻‍🍳：6.5/10價錢💰：6.5/10總體而言：店鋪位置方便！葵涌廣場只在葵芳站A出口🚊的旁邊～👍🏻在商場也容易尋覓；店內環境舒適，以樹懶🦥、「hea」為主題，十分有特色🫰🏻店內擺滿樹懶🦥公仔的裝潢設計，也使人流連忘返，很有心思🫶🏻；店員服務因人而異吧～（我感覺每次去的服務態度也不同🤔），但出茶速度快捷是真的😂；食物質素抵不錯的，尤其在夏天🌞，我願意特意到此買一杯🧋

同🤴🏻係樓上食完晚餐經過見到間店名都幾特別買杯嘢飲先😀😀～～～廢事諗奶茶🧋～～～個名都幾得意，而且呢款係熱賣第四名就同🤴🏻決定試吓，點知出事啦😕😕本身包含兩款配料：珍珠係有甜味及偏 ‘ 淋 ’ 嘅珍珠，我就幾鍾意😉😉！另外就係冇仙草味嘅仙草😗😗呢杯係偏向茶味嘅奶茶，茶味濃度帶有澀味，奶味非常之輕，大約9:1😐😐我哋冇叫少甜，但飲落好似少甜咁🙄🙄，我飲咗兩啖就俾咗🤴🏻飲啦，等🤴🏻搞掂佢😆😆

响葵廣掃完街，行到攰攰哋，又食到飽飽哋，一定口渴⋯係時候飲番杯～！介紹大家上2樓呢間好可愛嘅樹懶🦥主題手搖茶店「廢茶」，一齊「學樹懶耍耍廢，爽爽人生不白費」😌😌😌「廢茶」鋪面唔細，除咗賣各式茶飲，亦有台式小食，包括吐司🍞、窩夫🧇同奶酥等等。另外，有超可愛嘅樹懶公仔、佢嘅周邊商品、其他義賣公仔同零食售賣，真係花多眼亂🤩餐牌上有「廢事諗奶茶」，專門設計比一d唔想諗嘢嘅樹懶朋友們，由調茶師諗埋，比完錢可以瞓番陣先，唔使思考😛而我哋就比黑板上面嘅「桂花珍珠綠奶茶」吸引咗。按照個人需要可揀番甜度同冰量，我哋就點咗半糖同去冰。出面比較少見桂花珍珠，睇相都已經見到珍珠份量極多，而食落嘅感覺相當清甜，有淡淡桂花香，口感極佳。桂花香氣伴隨綠奶茶滲入口中，好清新，飲完一杯都唔覺得滯。🐻評分：🐻🐻🐻🐻4/5

好食，不過唔抵。。。。。。。。。。。。好似已經好少地方有得食台式嘅厚土司今日見到有朱古力吐司即刻叫返一個！。。。。。。。。。。。首先講吓個外型一般個朱古力會搽到見唔到白色麵包位但我呢件係四邊都見到白邊搽得好求其所以第一眼係有少少失望感亦比起一般土司細少少不過好在都夠厚。。。。。。。。。。。食落就好好食用左類似丹麥酥麵包底好鬆軟，同埋重牛油朱古力面有少少脆，唔死甜一個人可以輕鬆食完一件，唔覺漏。。。。。。。。。。。最後，雖然係幾好食，亦都唔係用一般麵包，但賣$32，覺得唔值，所以應該就唔會食第二次了

Hea唔係一件壞事 hea下之後再努力💪🏻俾呢間手調飲品店既icon吸引左呀😂隻樹懶🦥真係好ᴄᴜᴛᴇ ᴄᴜᴛᴇ ᴀʀ😍呢間除左有廢茶、小食之外 仲有由台灣直送既零食同冰凍食品😜呀！仲有可愛既樹懶🦥精品🔸廢事諗奶茶 🧋 $29呢杯岩曬有選擇困難嘅人😂 簡唔到飲咩既話就交俾店員決定啦～ 會有2種配料係入面，今日既特別配料係招牌桂花珍珠和仙草，招牌桂花珍珠食到好香既桂花味，都好好咬，仲有仙草呢個組合好夾～🔸黑糖珍珠厚奶 $35個奶蓋甜得帶點咸咸地，而且口感軟滑唔錯唔錯❤️黑糖亦夠多~🔸朱古力奶酥厚吐司 $32同平時食既吐司🍞唔同，呢個係酥軟好多滿滿既朱古力醬搽滿咗喺吐司上😍🔸鬆餅窩夫 $34有3隻味選擇左宇治抹茶红豆，鬆餅窩夫🧇淋上了奶蓋😍再配估了抹茶粉🍵 好脆口諗唔到鬆餅窩夫+奶蓋都咁正

又黎度葵涌廣場行街，行到有啲肚餓去搵野食先，呢間舖頭好得意架，用左樹懶公仔去做招牌。勁多款飲品野食⚫️黑糖珍珠芝士奶蓋厚吐司🍞淋上皇牌奶蓋及黑糖珍珠的香烤吐司外脆內軟，每一口都帶有邪惡😝🍖脆皮爆漿雞肉捲，皮脆肉嫩，加上調配既檸蜜汁好juice。食完野飲番杯手搖飲品先🍫朱古力摩卡珍珠🧋甜度剛好，珍珠軟硬適中很有咬口。芋芋雙層芋頭芋泥奶蓋沙冰，每啖都有濃郁綿密的芋泥甜度剛好。店裏面有不同既樹懶公仔精品和台灣直送零食冷凍食客人選購，食物飲品製作需時向等野食期間可以邊看邊等可以消磨下時間。🧋廢茶 HEAHA 📍地址：葵芳葵富路7號葵涌廣場2樓2009號舖#廢茶 #HEAHA #hkfoodies #hongkong #foodies #相機食先 #台灣 #飲品 #飲野 #珍珠奶茶 #摩卡

超特色飲品舖，秉持住廢嘅人生—廢茶🦦🦦以樹懶作為主題，成間鋪有好多得意嘅樹懶裝飾同埋產品仲好有節日氣氛，周圍都係聖誕裝飾🎄🎄好多唔同款嘅嘢飲，芝士控一定唔可以錯過芝士奶蓋😍😍飲杯廢柴再配搭台式小食，真係不得了，鹹甜嘅款式都有🫶🏻😋黑糖珍珠厚奶冰同埋甜度都固定左，黑糖珍珠偏甜少少，但係加埋鮮奶同芝士奶蓋嘅組合超級夾，中和左甜度之餘，仲有純純嘅奶香味😻😻而且珍珠粒粒都好煙韌，放耐咗都唔會話好硬👍🏻👍🏻芝士奶蓋烏龍茶奶蓋同埋茶嘅比例係三比一同埋三比二，烏龍茶茶底好濃郁，完全唔帶苦澀味之餘又清香🤩芝士奶蓋奶味好濃厚，偏鹹少少嘅芝士味，令到飲品嘅層次更豐富💯炸桂花花枝丸即叫即炸，所以會等得比較耐少少，炸好咗之後外層搽咗少少蜜糖，鹹甜嘅感覺好特別🦑朱古力窩夫鬆餅有三隻唔同嘅味，揀咗朱古力，每一件嘅窩夫都好厚身，做到外脆內軟，上面再淋上一層滿滿嘅奶蓋同埋朱古力醬，三層口感豐富🥳🥳🥳除咗即叫飲品嘢食，仲有好多唔同嘅台灣直送零食同埋急凍產品，樣樣都好吸引🤩🤩

趁住週末唔使返工，出嚟葵涌廣場行下，呢間茶飲店以樹懶作吉祥物，等咗一陣已經有好多人幫襯！原來仲有好多台灣當地嘅特式小食同冷凍食品可以買返屋企同朋友每人咗揀杯奶茶同小食止下癮✨廢事諗奶茶由調茶師隨心發板，再加兩款配料，唔少得加入煙煙靭靭嘅珍珠，甜度同冰量可以隨心選擇，茶味好香濃✨芋香奶茶淡淡嘅芋香味，融入奶茶之中，唔會太甜搶咗茶底嘅味道，加咗招牌桂花珍珠，味道好清香✨台式韭菜盒即叫即製熱辣辣，裡面大量韭菜粉絲同肉碎，胡椒味好出金黃色外層嘅酥皮，金香脆口唔油膩👍🏻見到冰櫃有冷凍包裝，仲可以買返屋企隨時整嚟食添✨宇治抺茶紅豆鬆餅窩夫厚厚嘅鬆餅窩夫，口感鬆軟，整個窩夫都充滿抺茶味道加咗忌廉．同粒粒紅豆，令口感同味道更豐富下次要試黑糖珍珠口味

葵芳廣場不嬲都好好行又多嘢食，今日喺嗰度行完街，未到食飯時間，但係突然之間好口渴，想搵啲嘢飲下同埋食下，經過呢一間廢茶，舖面好大，仲有好多好得意嘅樹瀨公仔，俾佢吸引咗！而且都幾多人等緊，就揀佢飲嘢食嘢啦。我哋叫咗兩杯嘢飲，一杯係黑糖珍珠口奶，令一杯係果茶，係菠蘿茶。黑糖珍珠勁好味，感覺到好足料，牛奶味好香，黑糖味好濃，珍珠咬口好正，成杯都好出色，雖然佢叫Hea tea但係一啲都唔hea。朋友杯菠蘿炒都試咗一啖，甜甜地茶味好香，唔會係一杯好酸嘅果茶。另外我哋仲叫咗個雞肉卷同埋甜品，因為啲相好吸引。黑糖奶蓋窩夫好正，即叫即整，窩夫，唔錯，最正係黑糖奶蓋呢個配搭超級正，好好味。雞肉卷有四份，都唔錯，有好香嘅蜜糖味。唔錯嘅小食飲品店！下次經過再幫襯。

呢間人氣茶飲店出色嘅地方 除咗係因為佢嘅飲品之外 我想推介嘅係佢嘅台式小食😮 廢事諗奶茶淨係個名已經好吸引我🙈 因爲我有選擇困難症 通常要諗好耐先做到決定 一於試下呢杯😉 入面有店員推介嘅兩種配料 今日係仙草同珍珠 都幾啱我口味 奶茶係紅茶底 所以味道都幾出 唔會太甜 我就鍾意仙草多啲喇🧋大甲芋頭鮮奶呢杯嘅甜度冰度係固定咗嘅 有一大pat芋泥喺底 我就撈勻咗先飲 覺得整體味道會平衡啲🥰 味道唔會太甜 呢間嘅芋泥都係好推介台式韮菜盒子呢款係新推出既小食 完全冇諗過會咁大件 外面嘅皮係好酥脆嘅😙 味道就好重黑椒味同埋韭菜味 餡料方面除咗有肉碎韭菜仲有粉絲添 真係食完都會飽㗎☺️芋泥肉鬆手抓餅呢款都係新推出嘅小食 對於呢個小食 我覺得好有驚喜🥳好有台灣風味 面頭嘅肉鬆同埋下面夾心甜甜地嘅芋泥好夾 不過如果手抓餅切開晒會更加好 方便喺街食用吖嘛😝店舖位置仲有不同嘅樹懶精品可以購買 又真係幾善用每寸空間喎🥳 我就比較鍾意佢嘅台式小食多啲啦 如果嚟掃街不妨考慮吓呢個選擇😋

💛好味指數:4.4/5💛💜回頭指數:4.4/5💜公司附近開咗間好可愛嘅鋪頭，成件鋪頭都充滿住大大小小嘅樹懶🦥樹懶Fans又要去朝聖一下喇😙除咗嘢食同飲品仲有零食同樹懶周邊商品，等嘢飲個陣可以順便睇埋～✅炸桂花花枝丸$19有六粒花枝丸，炸過嘅花枝丸特別香口，而且加咗桂花醬，鹹中帶甜幾特別🌼如果同我一樣咁論盡，就記得準備定濕紙巾，唔小心掂到啲桂花醬有少少黏手🤣✅黑糖珍珠奶蓋鬆餅窩夫$34鬆餅窩夫即叫即整口感鬆軟，配黑糖奶蓋醬相當有驚喜😍✅黑糖珍珠咖啡拿鐵$36凍飲用透明杯，見到黑糖嘅漸層好靚😆黑糖嘅味道中和咗咖啡嘅苦澀味，啱灑平時唔太喜歡齋啡嘅我☕️咖啡絕對唔輸俾奶茶同珍珠嘅配搭🙆🏻‍♀️✅大甲芋頭鮮奶$33芋頭同鮮奶融為一體，每啖都充滿芋頭香🥛不過偏甜小小，建議可以選小甜～🐻總結黑糖珍珠奶蓋鬆餅窩夫好吸引，值得一試😋📍廢茶 (葵芳)葵芳葵富路7號葵涌廣場2樓2009號舖

廢茶 (葵芳)葵芳葵富路7號葵涌廣場2樓2009號舖今日到咗葵涌廣場搵嘢食，喺葵涌廣場血拼之後經過依間有好多樹獺🦥公仔嘅餐廳小店覺得好可愛啊，童心未泯嘅我即刻衝入去舖頭睇吓佢寄賣嘅樹獺公仔🧸和精品，除咗呢啲，仲有好多台灣嘅冷藏食品同埋小食出售，再睇吓個餐牌，小店主打埋台式飲品和台式小食，於是我同朋友就決定試一試啦。我我哋兩個人叫咗兩杯嘢飲和兩個小食，方面叫咗一杯黑糖珍珠厚奶和一杯黑糖珍珠咖啡嗱鐵，食物叫咗朱古力奶酥厚吐司🍞和黑糖珍珠芝士奶蓋厚吐司。我哋好鍾意兩款口吐司啊，尤其是黑糖珍珠芝士奶蓋厚吐司，好特別，吐司滿佈黑糖珍珠仲有唔少芝士奶蓋醬汁，沾上吐司後，超級滿足和飽肚！我哋強烈推介呀！