綠茵餐廳 (已搬遷) 新店位置

呢日同屋企人度食個午飯，見係茶餐廳。就對佢既出品總會有期望。不過希望越大，就失望越大。雖然我地叫左兩個炒粉麵，不過味道就未能符合預期。花生雞腳湯是日例湯也，對呢個例湯無乜好感，都無乜討厭也。星洲炒米呢個就屋企人叫既，佢話料都幾足既。不過味道就麻麻地啦，覺得個炒米比較油左。而且個炒米就鹹左小小，就有舊炒蛋。個賣相已經麻麻地，仲要炒蛋，未能接受也。沙嗲肥牛炒河我對呢個期望大，不過都令我好失望。平生以來，好難得食沙嗲會無沙嗲。雖然雞有雞味，魚有魚味係好廢既廢話。但炒完一沙嗲味，又真係難得既佳作。個河粉可取之處就係唔太油，算係亡羊補牢既。而配料方面，肥牛都算幾多，不過韌左小小。但我有唔明，點解個炒河會加菠蘿呢？唔係話唔好食，係有怪姐。凍奶茶呢個算唔錯啦，最少奶有奶味，茶有茶味。個凍奶茶茶都算幾濃，算係咁啦。其實，呢度可取既地方相信只有環境。坐得算舒服同企理既，不過野食就真係好麻麻啦。仲有無機會翻兜，我諗機會好渺茫啦。