影片
更多
2020-03-30
69 瀏覽
今日又係觀塘附近放工呀， 行到去apm附近搵嘢食， 知道呢度有間良心小店賣日本嘢好出名， 朋友介紹嚟食當然要試下。 鋪頭嘅裝修幾 日本， 細細哋好多日式嘅燈籠。海鮮睇嚟都好新鮮。由於抗疫嘅關係大家都唔可以坐得咁密， 但係餐廳就好好咁安排咗每一枱都有消毒用品食日式丼飯嘅舖頭， 當然要叫返個海鮮飯，呢個海之幸丼 真係好正， 除咗有勁大隻鮮蝦之外， 仲有唔同種類嘅魚生， 全部厚切。 仲要有真嘅蟹肉。另外我地都好鍾意叫卷物， 試咗呢個天龍捲， 98蚊一啲都唔平， 但想到枱就知道真係值咁嘅價錢， 每一個卷都勁大舊， 加埋個超級大蝦頭， 係普通餐廳嘅天龍捲嘅1.5倍另外我哋叫咗呢個鰻魚卷， 每嚿壽司上面都有鰻魚， 而且燒得唔錯脆脆地。 壽司入面好香嘅芝士味， 滋味十足。 另外小食都唔錯， 最推薦係呢個燒豬腩肉， 肥瘦均勻， 食落超香口彈牙。呢個金菇牛肉捲都係極品， 牛肉煎到好香脆， 再加埋甜汁調味非常唔錯， 食到鮮牛肉味， 又甜甜地， 金菇都好新鮮。甜品方面我哋就揀咗少少哋嘅三粒日本 甜蕃薯， 燒得好好入口即溶 。當你以為成餐飯就咁完咗嘅時候， 職員好好咁送咗兩個雪米糍畀我哋， 原本仲諗住要去第二
海鮮睇嚟都好新鮮。
由於抗疫嘅關係大家都唔可以坐得咁密， 但係餐廳就好好咁安排咗每一枱都有消毒用品
食日式丼飯嘅舖頭， 當然要叫返個海鮮飯，呢個海之幸丼 真係好正， 除咗有勁大隻鮮蝦之外， 仲有唔同種類嘅魚生， 全部厚切。 仲要有真嘅蟹肉。
另外我地都好鍾意叫卷物， 試咗呢個天龍捲， 98蚊一啲都唔平， 但想到枱就知道真係值咁嘅價錢， 每一個卷都勁大舊， 加埋個超級大蝦頭， 係普通餐廳嘅天龍捲嘅1.5倍
另外我哋叫咗呢個鰻魚卷， 每嚿壽司上面都有鰻魚， 而且燒得唔錯脆脆地。 壽司入面好香嘅芝士味， 滋味十足。
另外小食都唔錯， 最推薦係呢個燒豬腩肉， 肥瘦均勻， 食落超香口彈牙。
呢個金菇牛肉捲都係極品， 牛肉煎到好香脆， 再加埋甜汁調味非常唔錯， 食到鮮牛肉味， 又甜甜地， 金菇都好新鮮。
甜品方面我哋就揀咗少少哋嘅三粒日本 甜蕃薯， 燒得好好入口即溶 。
當你以為成餐飯就咁完咗嘅時候， 職員好好咁送咗兩個雪米糍畀我哋， 原本仲諗住要去第二度食甜品， 即刻滿足埋呢個需要， 好貼心。
順帶一提呀， 舖頭真係好有良心， 揀歌都好有品味好正氣， 一路聽住背景音樂， 就知道老闆係一個好有堅持嘅人。
支持小店！
張貼
