影片
更多
2021-02-20
40 瀏覽
沙田不嬲都好多好嘢食，但係次次行街選擇多到眼花撩亂，好彩今日朋友介紹話呢間餐廳又平又抵食，咁岩今日唔算多人，等咗一陣位就入得。呢間舖頭主打粵式嘅湯河同檬粉，所以選擇唔會好多，但就樣樣都做得好出色。貪心嘅我就揀咗越好四寶湯河，非常多餸好足料啊。首先我覺得佢嘅生牛肉非常出色，一食落就知道係高質嘅牛肉，好有牛味，而且食落好林，唔會有筋。而佢嘅牛丸都好抵讚，唔知佢喺邊度入貨定係自己整，一咬落去竟然仲有肉汁，而且夠晒大粒，非常好食。我仲叫咗個炸蝦餅，一上枱嘅時候熱辣辣，咬落仲好脆，點埋泰式辣醬真係一流呀。而且佢嘅蝦餅好足料，咬落去真係有好多蝦肉。呢個牛油雞翼都非常出色，炸得好脆，但係又唔會乾晒，入面雞翼大大隻又嫩，唔點泰式辣醬都好正呀。食湯麵最緊要飲凍檸茶，估唔到佢嘅凍檸茶都咁好飲，茶底同檸檬襯得好夾，夏天飲就最啱啦。呢間越式餐廳又平又抵食，唔怪得次次經過都咁多人啦。
呢間舖頭主打粵式嘅湯河同檬粉，所以選擇唔會好多，但就樣樣都做得好出色。貪心嘅我就揀咗越好四寶湯河，非常多餸好足料啊。
首先我覺得佢嘅生牛肉非常出色，一食落就知道係高質嘅牛肉，好有牛味，而且食落好林，唔會有筋。而佢嘅牛丸都好抵讚，唔知佢喺邊度入貨定係自己整，一咬落去竟然仲有肉汁，而且夠晒大粒，非常好食。
我仲叫咗個炸蝦餅，一上枱嘅時候熱辣辣，咬落仲好脆，點埋泰式辣醬真係一流呀。而且佢嘅蝦餅好足料，咬落去真係有好多蝦肉。
呢個牛油雞翼都非常出色，炸得好脆，但係又唔會乾晒，入面雞翼大大隻又嫩，唔點泰式辣醬都好正呀。
食湯麵最緊要飲凍檸茶，估唔到佢嘅凍檸茶都咁好飲，茶底同檸檬襯得好夾，夏天飲就最啱啦。
呢間越式餐廳又平又抵食，唔怪得次次經過都咁多人啦。
張貼
