亞里斯餐廳 (已結業)

九月廿九日, 今晚 Winnie 同我慶祝生日, 帶咗我嚟呢間西餐食飯, 蝦~ 我哋呢兩年佢請我食生日飯定係我請佢食生日飯都係食西餐扒餐喎~~呢度既羅宋湯都合格, 係油咗少少啫~個餐飽就好普通, Winnie 話佢早兩日嚟食嘢個餐包係蒜蓉包嚟架喎~其實有好多西式套餐選擇, 不過由於我唔係太肚餓, 所以都係叫噃個「黑椒牛柳扒餐配薯菜」($73)!嚟到先知原來都幾大份喎! 仲係畀薯角添! 正!件扒我叫五成熟, 但都係似七成熟, 同埋多根位咗少少, 不過個汁都唔差架!至於 Winnie 就叫咗個「豬手餐」($69), 可以叫佢原隻上或分件上都得,同埋原來功大份囉............. 我諗男仕食都分分鐘食唔晒呀!咁啱今日 Winnie 又勁啱先食「午餐」, 所以最後食淨咗三分二呢!最後一杯餐茶凍檸蜜, 都預咗啲蜜糖唔會好靚, 叫做合格咁啦!Winnie 話呢兩條街最好食既算係呢間上樓西餐架喇, 其他都唔係好掂喎!呢度既環境都幾好架, 職員服務亦都合格,行開呢頭想食嘢嚟呢間都唔錯, 只係呢度有得睇波, 如果怕嘈又遇啱有波睇時間先再諗過其他餐廳啦!更詳細資料及圖片請看 : http://h