影片
更多
2017-06-21
72 瀏覽
由細搬屋搬到大，荃灣、銅鑼灣、油尖旺通通都住過，早幾年搬埋過黎九龍東。基本上同屋企人出街食飯，十有九之都會過黎荷里活廣場。係荷里活廣場想食晚飯，一定要早，唔係度度都滿座，等位等好耐。我地六點幾就係商場入面遊蕩，見到呢間full house kitchen。新開張，門面裝修十分可愛，好似復活節咁樣。最可愛係門外仲有一個位置係專賣雞蛋仔，仲有多款不同合味選擇。商場入面有雞蛋仔賣實在少有，係呢一區亦算係獨市生意。入到去先知呢度原來主打星馬fushion菜。兩個人叫左個set dinner($188, 加一)，都算係幾多野幾抵食。我地揀左煙三文魚凱撒沙律，沙律幾新鮮，而且上面嘅三文魚份量亦唔少。其實仲有蘑菇湯但無影相，蘑菇湯味道香濃。主菜可以八揀二，我地揀左東南亞風味拼盤同馬拉盞茄子肉碎炆米。雖然係二人餐，但拼盤每款食物有三舊，又幾抵食。拼盤包括有蔗蝦、金絲蝦卷同魚餅。金絲蝦卷炸得香脆又唔油膩。無論魚餅定蔗蝦都做到彈牙口感，各自配上檸檬葉同甘蔗，更有風味。馬拉盞茄子肉碎炆米亦都幾特別，睇落可能以為係魚香茄子炆米，但食落就知道呢度所用嘅醬料係東南亞風味。米粉吸收哂啲醬汁，馬拉盞有少少辣，食落更加
係荷里活廣場想食晚飯，一定要早，唔係度度都滿座，等位等好耐。我地六點幾就係商場入面遊蕩，見到呢間full house kitchen。新開張，門面裝修十分可愛，好似復活節咁樣。
最可愛係門外仲有一個位置係專賣雞蛋仔，仲有多款不同合味選擇。商場入面有雞蛋仔賣實在少有，係呢一區亦算係獨市生意。
入到去先知呢度原來主打星馬fushion菜。兩個人叫左個set dinner($188, 加一)，都算係幾多野幾抵食。
我地揀左煙三文魚凱撒沙律，沙律幾新鮮，而且上面嘅三文魚份量亦唔少。其實仲有蘑菇湯但無影相，蘑菇湯味道香濃。
主菜可以八揀二，我地揀左東南亞風味拼盤同馬拉盞茄子肉碎炆米。雖然係二人餐，但拼盤每款食物有三舊，又幾抵食。拼盤包括有蔗蝦、金絲蝦卷同魚餅。金絲蝦卷炸得香脆又唔油膩。無論魚餅定蔗蝦都做到彈牙口感，各自配上檸檬葉同甘蔗，更有風味。
馬拉盞茄子肉碎炆米亦都幾特別，睇落可能以為係魚香茄子炆米，但食落就知道呢度所用嘅醬料係東南亞風味。米粉吸收哂啲醬汁，馬拉盞有少少辣，食落更加惹味。
點品有兩款，我嘅係熱情果蛋糕，賣相精緻，有香濃熱情果味。
飲品方面，賣相都好可愛。用一塊厚木蓋住熱茶，又可以用黎做杯墊。食得飽飽地，飲返杯熱洛神花茶，酸酸甜甜用黎清清味蕾又解滯。
張貼
