黑瀧板蕎麥專門店 (已結業)

朋友仔突然話想今餐食清淡D 除左食素都冇其他suggestion...俾我見到呢間主打食喬麥麵既專門店，表面夠曬健康又貼題，最緊要岩我起碼日本菜😏入到去先知內有乾坤!打開餐牌 先知喬麥麵原來分好幾種 大鄉里唔試都唔知😅最吸睛係唔止淨係食喬麥麵 竟然仲有刺身、壽司、串燒、陶板燒👀 我已經知我要食乜😏但要靠我把利咀經過一輪牙力塗化下個fd 清淡下餐先，食左先講！😎頭盤先叫個”極上刺身盛合”，七款刺身,賣相冇得輸，新鮮到一個點！份量都合理既 正！🤤再追加多個”黑松露鯛魚薄切”,未試過黑松露配刺身,魚片切得特薄，晶瑩通透，配上黑松露確實好特別👍🏻野飲叫左支鹽田手工啤 雖然唔知鹽田喺邊 味道比較清淡带D花香 易入口既Main course叫咗個”和牛陶板燒”,唔似韓燒，個爐好的色又唔阻訂 幾得意 有D似小時候玩既”家家酒”😅用陶板燒的和牛 生熟自己控制 最大分別係和牛燒完唔會好似一般明火既爐咁乾 超juicy仍然keep 到嫩滑，正！🤤Over all野食正既 仲有呢度既服務員都幾好 下次一定再黎 因為仲有好多野未試 下次再黎食清淡D先😂😎