Soland (已結業)

朋友再三叫我去試這間性格素食店,今天終於和幾個同事見識有什麼特別,一進內,完全是兩個世界,感覺是不像中環LUNCH TIME格局,而是身在像放假的遊閑感覺,全部位FULL晒,想走又想多看幾下,點解會咁旺場,女士佔九成以上,食得好HIGH,反而我一個男士很不是味兒,但又要多望幾眼,很快地女店員過來問有否訂坐,我說沒有,她禮貌地說要等十至十五分鐘,平時我一定不會等,就試下啦!細看每位女士,面對都有一客不同的甜品,看她們吃得好享受,其間聽到店員和各枱的客人都興起的講起這裏的甜品,才知道什麼是無疍無奶低糖,完全素食甜品,好似好有益健康,一路咁聽,聽足成二十分鐘,聽到入神,朋友問我仲等唔等下去,老實說我真是想試有什麼咁巴閉!但真是時間有限,便怱怱走了在樓下食魚旦粉算了,走時拿了咭片,下次點都訂位試試!其他同事留低試左,FEED BACK是好清又好味,係食到瓜果菜的真味!雪糕疍糕同芭菲更加係無得頂,因為係唔肥,純生果做,佢地話疍奶都無既,十分天然!到下午茶時間,我忍唔住食左個TEA SET!真是乜貨都對晒板咼!