小點角落 (已搬遷) 新店位置

小點角落個名真係好得意😊係一間靚靚可愛cafe~有兩層高入面裝修企理，以休閒風格做主打用嚟影相打卡都唔錯，食物賣相靚得來又好食😋金蒜焗比目魚$128比目魚兩件大大件，烤至微焦魚皮脆上面有好多炸過嘅蒜蓉，所以食嘅時候好香口。比目魚嘅脂肪比較豐富所以食嘅時候好香。配菜有蘆筍、紅椒薯蓉等等，份量都唔少。原味疏乎里 $108見到隔籬枱差唔多每一枱都食緊，因為係即叫即做，所以拎上嚟嘅時候個鐵盆仲係好熱🫶🏻大家食嘅時候要小心，咬落去空氣感十足非常蓬鬆。白色嗰啲係奶蓋🙀好香好好味。佢哋而家出咗新餐牌，有得自己拼一個組合套餐，自己想食咩就食咩唔使受限制✨我嘅組合麻辣牛筋腩+大地魚芫荽麵+芒芒茉莉非常之推介麻辣牛腩✨冇諗過Cafe都做得咁靚，牛筋軟滑牛腩係坑腩位置，筋膜同肉分明唔會太韌🫶🏻大地魚湯麵非常之健康湯底，清清地飲到魚香。