流水蝦

營業中

休息中

今日同一班港女朋友去咗行megabox同apm 大家都滿載而歸 左手一袋右手一袋咁梗係去食埋飯先返屋企啦 經過一番搜尋之後見到呢間流水蝦 好似幾好玩 就決定入去食飯入到去餐廳環境都幾大又唔算多人 坐得幾舒服唔同種類嘅飲品同蔬菜等等都應有盡有 幾貼心啲蝦睇落蝦頭都應該有膏 而且隻隻都好生猛好有活力之後有一盤牛肉拼盤 有雪花肥牛同牛柳粒 啲油花好靚 油香好勁 牛肉味都幾重其他燒烤食品例如青口牛仔骨等等 質素就中規中矩啲大頭蝦經過一番處理之後終於可以燒啦 燒完之後啖啖肉而且肉質好爽好彈牙 蝦頭果然有好多膏 好甘香可口跟住就有一個海鮮拼盤 有大蜆 扇貝 鮑魚同白鱔等等 全部都好新鮮 味道鮮甜