반찬앤쿡 Banchan and Cook (東薈城名店倉)

營業中

休息中

呢間小清新韓國餐廳時不時都會轉下新Menu，今次嘅主題好特別🤩 梗係要約朋友嚟試吓啦🫶🏻🌟水星八爪魚腿蛋包飯嘩🤩🤩🤩 藍色嘅蛋包飯真係第一次見😆 職員話係用咗藍色螺旋藻整㗎，係Super Food嚟㗎😎 藍色螺旋藻冇乜味，食落嘅味道同平時嘅蛋包飯一樣😎 呢間嘅蛋包飯不嬲都係好出名，蛋夠滑又有蛋香👍 最驚喜係佢配搭咗芝士醬，原來可以咁夾🥰 八爪魚爽口彈牙，真係必食推介👍提提大家，會食到個嘴唇都係藍色㗎😂🌟穀神星大蝦墨汁意粉再挑戰埋呢個墨魚汁意粉先😆 今次會食到成咀都係黑色🤣 有墨魚汁嘅香味，蝦仁都係爽口彈牙，唔錯👌🌟冥王星烤LA骨呢個係牛仔骨，配菜係洋蔥，醬汁味道甜甜地，有啲似中式菜式，牛仔骨有六大件，好入味，幾好食👍🌟伯爵茶布丁牛角包窩夫呢度嘅牛角包窩夫不嬲都出名，梗係要叫嚟做甜品啦😎 仲配咗伯爵茶布丁，布丁夠曬香滑，好滿足😌🌟焦糖蘋果紅豆沙冰係新推出嘅特飲🤩 有啲似紅豆沙，非常好味☺️ 🌟月球幻影黑芝麻沙冰呢杯外型都係好靚，黑白相間🤩 濃濃嘅黑芝麻香味，甜度唔高，真係啱晒我🥰