影片
更多
2024-10-30
354 瀏覽
銅鑼灣不嬲都有多美食前排同朋友去左間日本居酒屋餐廳以武士為主題店內牆身掛上不同武士掛畫甚有氣氛！黑豚胡麻沙律 $98有黑豚肉、豆腐、青瓜同埋沙律菜，口感層次豐富。黑豚肉嫩滑軟腍，冇太多調味，食到肉本身既鮮甜。滑豆腐豆味濃郁，沙律菜新鮮爽脆，配搭胡麻醬令人感覺開胃。味噌茄子 $48茄子柔滑軟綿既口感有啲似蕃薯！以味噌調製，估唔到又咁夾！汁煮牛筋 $78牛筋軟腍入味帶爽口感，湯汁亦十分清甜。豚肉露筍卷 $48以豚肉包著露筍，配搭清新，亦能保留蘆筍脆嫩的口感。豚肉肉質柔軟嫩，沾上蛋黃醬食，應該無人抗拒到。鹽燒榮螺串 $78螺肉豐腴細膩，清爽彈牙，簡單用鹽調味已經十分鮮甜！A4和牛牛肋條 $108口感軟腍帶嚼勁，滿滿油花，有入口即花既感覺！正！海皇卷 $198材料有海膽、蟹膏、赤蝦。超級正啊！！先講外貌已經非常澎湃，飛魚籽多到滿瀉！海膽鮮甜甘香，份量都好多。赤蝦鮮嫰彈牙肥美。如果個口夠大，建議成件放落口，咁就可以食哂啲飛魚籽🤣！口感極豐富，幸福滿滿！金色神樂 $88甜品係柚子雪芭配蛋糕、柚子味啫喱同埋燒菠蘿，非常豐富。燒菠蘿味道酸酸甜甜又多汁，可以解油膩感，面頭仲有層脆焦糖！柚子雪芭同啫喱味道
前排同朋友去左間日本居酒屋
餐廳以武士為主題
店內牆身掛上不同武士掛畫
甚有氣氛！
黑豚胡麻沙律 $98
有黑豚肉、豆腐、青瓜同埋沙律菜，口感層次豐富。黑豚肉嫩滑軟腍，冇太多調味，食到肉本身既鮮甜。滑豆腐豆味濃郁，沙律菜新鮮爽脆，配搭胡麻醬令人感覺開胃。
味噌茄子 $48
茄子柔滑軟綿既口感有啲似蕃薯！以味噌調製，估唔到又咁夾！
汁煮牛筋 $78
牛筋軟腍入味帶爽口感，湯汁亦十分清甜。
豚肉露筍卷 $48
以豚肉包著露筍，配搭清新，亦能保留蘆筍脆嫩的口感。豚肉肉質柔軟嫩，沾上蛋黃醬食，應該無人抗拒到。
鹽燒榮螺串 $78
螺肉豐腴細膩，清爽彈牙，簡單用鹽調味已經十分鮮甜！
A4和牛牛肋條 $108
口感軟腍帶嚼勁，滿滿油花，有入口即花既感覺！正！
海皇卷 $198
材料有海膽、蟹膏、赤蝦。超級正啊！！先講外貌已經非常澎湃，飛魚籽多到滿瀉！海膽鮮甜甘香，份量都好多。赤蝦鮮嫰彈牙肥美。如果個口夠大，建議成件放落口，咁就可以食哂啲飛魚籽🤣！口感極豐富，幸福滿滿！
金色神樂 $88
甜品係柚子雪芭配蛋糕、柚子味啫喱同埋燒菠蘿，非常豐富。燒菠蘿味道酸酸甜甜又多汁，可以解油膩感，面頭仲有層脆焦糖！柚子雪芭同啫喱味道都好濃郁、清新。
張貼
