喜鍋 海鮮.點心.活刺身 蒸氣石鍋專門店 (已結業)

係呀冇錯。食蒸鍋好似變左每季出B仔既慶祝活動。豪一下食餐好既。上次食完酒鍋見到。咁今次就黎試呢間。基本既元貝呀。龍蝦呀。鮑魚呀呢啲走唔甩啦。樓下樓上都介紹左唔少。咁我講下有幾樣特別啲既。手打三寶丸。因為唔食鯪魚既關係店員幫忙改左做兩寶。只係蝦同墨魚丸。一黎既時候我嘩左一聲。因為佢個size係同當年（起碼十年前）沾仔記個拳頭鯪魚球咁大。啲回憶標曬出黎。蒸起一個雪白一個粉橙色。老實講係冇可能一啖放入個口。除左因為真係又熱又大之外。係有啲好鮮既汁吱出黎。墨魚丸比較彈牙。中間粒粒墨魚令口感更好。蝦丸比較爽。同啲鮮味一啲。絕對要食。平時食蒸鍋花甲或者蜆都好常見。而呢到個刀貝我覺得比前兩者更好。第一係個殻比同size 既貝殻類薄好多。肉既比例多啲。第二係好鮮甜。如果蜆係一度。花甲係三度。呢個刀貝起碼係六至七度。果種甜味仲要係持久好多。一斤有成十二三隻。前後我叫左兩斤。除左野食之外。呢到枱同枱之間既空間比較闊落。係尖沙咀比較難得。