喜鍋 海鮮.點心.活刺身 蒸氣石鍋專門店 (已結業)

中午時間, 去尖東附近睇完醫生就去左搵食。兩個人想去飲茶見天文台道新落成不久的大廈好似幾多野揀, 就求期揀左2樓喜鍋。喜鍋環境都算企理, 近窗邊係卡位黎, 都算坐得舒服。因為夜晚係做火鍋, 所以每檯都有個爐set 死左係到。兩個人叫左2碟飯同1碟小菜, 再加埋小小點心, 第一個飯係海鮮雞粒炒飯, 都幾有鑊氣, 色澤對板, 雖然海鮮粒是雪的, 但整體味道可以, 不太差。另外仲有一個蟲草花蒸雞, 雞都算蒸得可以, 不過鞋, 味道不錯。因為朋友是飯重, 所以還叫了一個豬頸肉大碗飯。這款比較普通。(好好地一間酒樓做甚麼大碗飯)zd1總結, 這餐飯不過不失, 下次都可以來試試火鍋既~

食物差，服務更差，碗碟污穢1. 發現碗碟污穢，要求替換，原來就是跟隔離枱換2. 要要求才有滾水熱茶3. 等左約9個字，火鍋湯底先上4. 點知火鍋唔係我們所叫的5. 港式胡椒豬肚湯（$128）同張相差好遠。相有豬骨粟米，但真實只得豬肚咸菜胡椒6. 投訴後，被告知相是與名稱不符，餐牌上沒有一個鍋是跟圖片一樣，然後我們再細問跟另一個叫胡椒咸菜豬肚湯（$88）有什麼分別後，侍應就話加返豬骨粟米俾我地。7. 一小時後，台上仍然得湯底、蓮藕片和菜心苗8. 見圖，小女子第一次見好似芥蘭咁大嘅菜心苗9. 三催四請後，牛肉終於送上（約90分鐘）10. 再催很多次上其餘未上的菜，才告知沒有竹笙，不是一開始告知11. 終於，手打墨魚丸、薯粉到了，墨魚丸$98 6粒，咁貴以為好好食，點知，好似食一團團嘅麵粉，一粒墨魚都無12. 不明白點解薯粉響鈴需時120分鐘，響鈴超油，完全不像新鮮炸起13. 薯粉不需處理都要等到最尾14. 由以上所見，我們三人只點了湯底，菜心苗，墨丸，響鈴，薯粉，牛肉和蓮藕片，已經是$7xx 15. 付款時，見到單上有前菜但一開始就已退回。侍應說會更改但，點知另一位女服務員又拿一張沒有改的

早幾日和幾位同事一起到喜鍋晚飯。我之前來過一次，很推介這裡的蒸氣鍋超值套餐，小食，粥底，海鮮任選，另啤酒汽水任飲；只需398一位，今晚我們就點選了這套餐。侍應先在鍋底放米，菜乾和牛腩。但見菜乾是乾身的，沒有浸開，怕有沙；但侍應說不用怕，這裡的菜乾質量好，不會有沙。待會試試便知。三文魚刺身送上。每人有兩片大大片，三文魚是厚切的，油脂分佈平均，吃進口齒頰留香。另外啤酒汽水任飲，我當然點了啤酒；而朋友則叫了人蔘薑蜜。我試了一口，有少許蔘味，而薑味則較濃郁，好飲。小吃我們叫了炸墨魚餅。份量也是每人兩件。墨魚餅頗大塊，炸得不錯，不會吃得滿口油，同時又熱辣辣兼爽口彈牙，非常好味。蒸海鮮選了元貝和石蠔。元貝好大隻，又厚肉。先以蒜蓉粉絲調味，元貝肉鮮甜彈牙，加上粉絲蒜粒，帶出元貝的鮮味亦同時豐富了口感。而石蠔份量跟元貝亦不相伯仲，超大隻。簡單的加少許薑蔥，就帶出了蠔本身的鮮味。蒸後蠔肉沒有變細，時間蒸得剛剛好。蠔香豐富，蠔肉滑溜；吃後口腔留著濃濃的蠔味。下一道是黑毛豬肉片和鮮雞。雞件已調味，雞肉滑溜，再加上少許大頭菜和紅棗提鲜，味道不錯。但令我有驚喜反而是黑毛豬肉片，肉味濃郁之餘亦很鮮甜爽滑，好好味。

最後都係以海鮮為主xdddd第一碟嚟既係三文魚刺身，每位2件。呢個真係算勁，塊三文魚又大又厚，一咬落去真係啖啖肉。不過雖然佢係大舊，但依然都好有鮮味，而且入口即融！真係好好食，每位2件都真係唔多夠喉，想食多幾件！xd之後，我地仲食左一個竹串蝦同墨魚餅，呢兩個都正正常常，無咩特別。嘩，跟住就到我最期待既一款食材啦～就係蠔呀！聽經理講，我地點呢隻叫「薑蔥蒸美國石蠔」。一拎過黎已經覺得好大隻，再對比下隻手掌，痴線真係成隻手掌咁大！屈機！你以為得個殼大？錯啦，入面隻蠔都咁大份。大到一啖都食唔曬，要切黎食，真係笑死xd 食落口好軟，都算入口即融，而且d薑蔥味又唔會蓋過d鮮味。但係佢鮮得黎又唔腥，係略嫌淡左少少。不過，我都俾十分啦～～淨係食呢個蠔都抵啦～我真係好中意～總括黎講，我覺得今餐係唔錯，而且石鍋真係幾特別，蒸氣好過癮，哈哈！有興趣既朋友可以一試，同埋佢環境都幾好、幾舒服，不過唔好去錯隔離個間。

第一次嚟呢間喜鍋食嘢，初頭見到隔離有間酒鍋，心諗點解咁奇怪，以為去錯。原來係兩間唔同嘅鋪頭！講返喜鍋，第一次聽到咩蒸氣石鍋都唔知咩黎，今日嚟食先發現都幾過癮！真係有個好似用藤定唔知竹做嘅野當蓋，笠住個鍋然後蒸野食。今次最主要嚟都係試下D肥牛，同個南非龍蝦仔。南非龍蝦仔係蒸，一開始個經理拎住一盤龍蝦仔過黎，上面放左好多蒜。然後就即場係我哋面前蒸，放入個石鍋，我諗大約過左七、八分鐘左右。然後拎起個蓋，即刻變成好靚紅色、橙色。龍蝦仔熟曬個樣睇落真係唔差，仲有好濃嘅蒜香味。果然食落真係好有蒜味，中意食蒜嘅人一定會好中意啦~而且龍蝦仔個份量都大，都幾多肉食。10分我都俾7分！中間，都有其他野食下，不過最期待都係佢個手切肥牛。經理話每日新鮮即切，保證新鮮。一拎出黎，個樣真係幾靚，好有紋理同色水幾豔。就咁睇都應該唔錯，然後就係火鍋涮一涮，拎上黎食！經濟話唔點豉油都好好食，果然真係幾得！好有牛既甜味，但又唔會話好腥，入口即化真係幾掂！非常好食！雖然量就唔多，但勝在好食~~~唔係出面D牛可以相比！10分俾9分！今次第一次黎食，肥牛真係非常驚喜，超出我所想。唔錯，下次有機會一定返黎食！雖然價錢唔係平，但勝

好嬲呀, 服務唔講喇, 只講食物, 4 個人, 叫左個海鮮套餐, 埋單, 2400, 唔出奇但出奇既虎蝦變左白灼生蝦, 無蟶子王, 問我地換小食好唔好, 有咩理由無海鮮換小食, 當你以為都唔緊要既, 慢慢再等, 點知換黎既消息係連馬刀貝都無, 三文魚刺身又無, 無知會既情況下, 俾多左碟丸, 仲要蒸埋, 我地問, 我地食左啦喎, 點解又有, 佢話因為無海鮮, 真係嬲到出汁, 無海鮮, 你同換碟丸??仲要蒸埋??咁者係番唔到轉啦!!!!最後, 呢餐海鮮套餐, 每人係食左1. 一隻扇貝2. 一隻鮑魚仔3. 兩隻串蝦4. 蝦丸??5. 蒸雞??6. 蒸菜芯7. 肥牛8. 馬拉糕9. 同埋只有雞味同丸味既海鮮粥????盛惠每人605 , total: 2418 我地同佢理論完, 佢願意俾我地最多5% 優惠!!!!!!嘩, 真係多謝晒

Hi All,I visited this restaurant with my family yesterday and it was our first time coming to this restaurant. They serve seafood and is cooked in the steamer, yes fresh seafood cooked in front of you! Below is my rating:Salmon sashimi: 2/5Clams: 3.5/5Shrimp: 4.5/5Scallop: 4.5/5Crab: 3/5Pork: 1/5Steam chicken: 3/5Congee: 3/5Overall, the seafood was very fresh, although the size is quite small. This is the best way to cook seafood as it is steamed without any added sauce, so you can taste the fre

同老婆大人放工搵野食，經過人地啲打邊爐店，佢就話好想食大蟶子，上Openrice睇下，原來附近有間蒸氣火鍋食，就打去問下有無位，lucky地有喎，咁就go go go！上到去見到裝修幾靚，又鬆動，老婆開綠燈就入去試下啦！叫左蟶子皇，用豉椒煮，都幾大隻又厚肉！人地話蟶子等貝殼類食物，愈大隻愈易up，因為怕唔熟要煮耐啲，時間拿得唔準又會過熟..呢度就無呢個情況，一啲都唔up，仲好爽口添！隻隻蟶子都好厚肉仲好甜，豉椒味道剛剛好，又唔太咸而且香，當中仲有啲青椒，有埋陣青草味，兩種味加埋都幾好！因為呢間食店都唔平，所以叫啲飽肚啲既食物，鰻魚糯米飯就最好不過了，蒸左8分鐘就食得，糯米飯內有少許蠟肉和蝦米，增添糯米飯的味道，就咁食飯都覺得香噴噴，軟身，鰻魚片都好好味，又多鰻魚汁，送飯一流，如果冬天食仲可以暖身添！食完仲有西瓜送添！餐飯都幾好，食物又夠新鮮，但服務就一般，啲侍應叫極都唔應，壺水refill完就係放係我個位中間！咁我又點食野呢？食都食得唔自在，希望下次可以有所改善啦！

近排香港興起蒸氣火鍋，上網見到依間好似唔錯甘，所以就一於就試下新野啦！依間舖入面既裝修都好靚，好別緻，環境好舒適，坐得好舒服。蕃薯蜆大大粒，粒蜆肉係同個殼差唔多size！！食落好鮮甜，好有咬口，得四粒真係好唔夠喉！！鮑魚係用蟲草花同薑絲調味，個鮑魚都幾大粒，好吸引。食落口啖啖肉，而目好彈牙，口內滿滿既鮮甜味，配以淡淡既蟲草花味，更能帶出鮑魚本身既鮮甜味，新鮮既食材配以簡單既調味已經可以好好味！和牛片切得薄薄地，好快就蒸熟。牛肉片食落十分嫩，而且帶有濃濃既牛肉味。食落口有濕潤既口感，唔會乾身。依種蒸法帶出左肉既鮮味，係一種唔錯既烹調方法。條魚剩係加左d薑葱去調味，但蒸既時間較得岩岩好，令到條魚岩岩熟，肉質嫩滑，新鮮既魚最後既煮法就係清蒸！☺將個南瓜排骨粥既材料首先放係鍋既最低，最特別既係依個粥係唔洗落水，用蒸既方法將佢煮熟。好特別既做法，最後侍應拎出一壼湯倒入d粥到再煮五分鐘到就完成。粥煲得好綿，而且有十分鮮甜既味道，應該係係之前上層既海鮮精華滲左落黎，依個粥真係做得好出色，好快就俾我地清曬！

1)材料不新鮮 2)服務態度不好 服務生不主動 每一次蒸完我們都要叫服務生招呼 自己招呼又比他們喝止3)碗碟不衛生 很多油漬水漬4)打包食品包裝馬虎 容易打散5)價錢貴 貨不對板 同樣價錢可以食到西貢海鮮 鯉魚門海鮮

經同事的介紹下嚟到呢間餐廳，裝修好新，坐得都好舒服。午巿套餐中我揀左沙爹牛肉米粉鍋，個湯底好濃郁，唔會有一種麵同湯分離嘅感覺，不過啲牛肉煮得太耐，令個鍋失分。一個鍋麵加飲品都係六十幾蚊，尖沙咀區黎講算抵食。

蒸海鮮一直都是媽媽的最愛，於是趁著假期我們去了尖沙咀的喜鍋一嘗海鮮的鮮味。因為上次試過一間令人有點失望的蒸海鮮餐廳，今次我做足功課，在OPENRICE中精心挑選了新開業的喜鍋。喜歡的其中一個原因是這兒的環境好寬敞，坐得好舒服，而且燈光充足，一家人來非常適合。又是這頂草帽，店員把食物放到窩內再用草帽蓋著，旁邊有一部計時器以便時間計算，當時間一到店員就會過來幫你拿起草帽，煙霧彌漫，熱騰騰的海鮮就出現在你眼前。南非龍蝦 $298龍蝦肉厚而且爽口彈牙，沒有蒸得乾身仍然保存水份，鮮甜美味，加上蒜蓉就更加惹味。8頭南非鮑魚 $68預先拆了殼的鮑魚爽口彈牙，口感帶點煙煙韌韌，又是不用點上任何汁已經好鮮味。蟲草花蒸新鮮雞 $398 (一隻)來一碟肉類吧，雞件嫩滑，沒有夾雜太多的肥膏，不算油膩，配上爽脆的蟲草花，是我食過幾間蒸海鮮中最好的。蒲燒鰻魚蒸糯米飯 ($198)蒸蒲燒鰻魚蒸糯米飯絕對是第一次，鰻魚非常鮮味嫩滑，加入鰻魚汁更顯惹味，而糯米飯廿感煙靱但又不會過硬，吸收了鰻魚的鮮味更美味。南瓜排骨粥 $68 (小)沒想到在完全沒有加水的情況下，剛開始時放下的半碗白米及半碗南瓜排骨已經變成粥了。粥底煮得

某日 , 太座提議去有 蒸氣石鍋 的餐廳吃晚餐 搜尋過 OpenRice 之後 , 決定幫襯這間 喜鍋Menu ~蕃薯新鮮排骨粥 ( 小 ) $ 88 店員先在鍋底放珍珠米、蕃薯、鮮排骨 ~ 紐西蘭蟶子皇 $ 48 / 隻蟶子的肉質嫩滑細緻 , 充滿貝類海產香 , 而且非常鮮口味美 ~手打墨魚丸 $90 / 6粒是手打貨 , 既爽口又彈牙 , 墨魚丸內有墨魚肉粒 , 味道十分鮮口 ~混醬豬腩片蒸茄子 $ 118 / 例混有豆醬和蒜蓉的豬腩片 , 醃得很入味 , 味道鹹鮮又甘香 , 配以茄子同吃 , 頗有中國南方的農村風味 ~蒸完食物後, 粥也煮好了 .... 此粥味道純正而天然 , 每一口都是鮮味 ~食物的品質和味道皆有水準 , 唯店員的服務態度有需要改善 ~本篇完 ~

在進入大廈前看見喜鍋午市的「檯面蒸點心」好吸引 , 或許下次的午市會走來吃吃看。 不過 , 今晚連晚餐也沒吃過 , 吃完再想吧 ! 是晚訂位時間為 6 時半 , 似乎未到尖沙咀人的消遣時候 , 靜靜的 , 真好 ! 茗茶醬油 每位 $20 , 前菜小食 每碟 $28 吃蒸氣石鍋不一定主打吃海鮮 , 反而更想嘗嚐店家廚房的出品。 吃蒸氣石鍋例牌先點粥底 : 蕃薯新鮮排骨粥 ( 小 ) $88 手打墨魚丸 $90/6粒 巨型的體積 ... 應該只有很少的機會是要用刀叉來吃墨魚丸 , 吃下去是有海鮮的甜 , 彈牙的丸質 , 純墨魚肉手打而成 , 少粉兼沒有加入豬肉 , 先拔頭籌的驚喜。 蟹籽小鮮肉釀鮮冬菇 $120/6件 名字與真身一樣是很有層次 , 味道主要是來自中間鮮蝦及半肥瘦豬肉打成的小鮮肉 , 爽彈口感加上鮮冬菇的軟滑 , 好複雜喔 ! 混醬豬腩片蒸茄子 $118/例例牌有八件 , 豬腩 ( 薄 ) 片混有豆醬 , 蒸好後是很甘香 , 不過豬腩片亦因為脂肪的溶掉而縮少 , 口感實為茄子的口感 , 豬腩片只吃到少少 , 多多部份已融進味道裏。 最後的粥底因為已把蒸氣吸盡成爛飯呢

今次食下新開喜鍋，尖沙咀新商業大廈，環境好舒服，可以坐耐d，今次一行多人，食豪d。先黎個手切肥牛，正！脂肪比例岩岩好，好快就清哂，再黎個蟲草飽魚，味道都ok，不過可以再好d，蒸鍋就最岩食蟹啦，個人比較喜歡鮮味，蒸蟹就最岩我口味。埋單每人都6xx，食海鮮黎講都還可以。下次再試第二間。