漁樂場

營業中

休息中

首先，所有食物嘅味道都係一般般，但價錢就收得勁貴。一串既份量淨係得街邊食嘅半串咁多，卻要收你$20-30蚊一串。而且上枱嘅時候啲嘢唔熱，好似早就燒好放咗好耐咁，完全唔新鮮。上菜速度仲要好慢，例如嗰條烤魚竟然等咗成40至45分鐘先嚟。最o咀係啱啱食完，仲未消化，佢哋就即刻要你埋單，仲將枱面啲嘢清晒，好似趕人走咁，態度真係冇禮貌。本來見到有駐場歌手，以為可以慢慢坐低聽歌享受一下，但結果就係食得勁趕，完全冇咩放鬆嘅感覺。成個用餐過程又貴又唔舒服，食物唔掂，服務又差，真係一次極差嘅體驗！