影片
更多
2010-11-18
4 瀏覽
還記得之前曾經幫趁過屯門的喜客pizza, 結果是不太滿意. 當時認為會唔會是因為是套餐的關係, 加上在屯門, 所以比較差. 星期日晚, 踩完單車後在新城市廣場吃飯, 見到間都咁多人等位, 而這兒的人不算極多, 所以就選擇了這一間. 啲位叫得非常之快, 等了15分鐘左右就有位了. 點了4款食物, 分別是Caesar Salad, 野菌香蒜天使麵, 菠菜雞皇意粉及半份豬肋骨.Caesar Salad賣48元, 但份量好少, 單叫同之前在屯門店跟餐的size分別不大, 但最差的是啲菜唔夠新鮮爽脆, 煙肉又少又唔香, 連麵包粒都唔夠脆, 差!野菌香蒜天使麵賣66元, 但一樣唔好食! 話明是香蒜意粉, 點解一啲香蒜味都無, 天使麵唔夠爽口, 除了野菌夠多之外, 其他都唔夠水準.菠菜雞皇意粉賣78元, 不過比上面的天使麵更難食. 最大原因是個汁非常唔得! 杰到無人有, 明顯煮的時候下了太多生粉, 攪到個汁杰到似漿糊, 睇見就唔開胃! 菠菜同雞肉都算多, 但個汁實在太差, 非常唔掂.半份豬肋骨之前, 我們都食過這兒的豬肋骨幾次, 水準都算唔錯, 但今次發現完全唔得. 第一是份量縮到離晒譜, 雖然仍
Caesar Salad
賣48元, 但份量好少, 單叫同之前在屯門店跟餐的size分別不大, 但最差的是啲菜唔夠新鮮爽脆, 煙肉又少又唔香, 連麵包粒都唔夠脆, 差!
野菌香蒜天使麵
賣66元, 但一樣唔好食! 話明是香蒜意粉, 點解一啲香蒜味都無, 天使麵唔夠爽口, 除了野菌夠多之外, 其他都唔夠水準.
菠菜雞皇意粉
賣78元, 不過比上面的天使麵更難食. 最大原因是個汁非常唔得! 杰到無人有, 明顯煮的時候下了太多生粉, 攪到個汁杰到似漿糊, 睇見就唔開胃! 菠菜同雞肉都算多, 但個汁實在太差, 非常唔掂.
半份豬肋骨
之前, 我們都食過這兒的豬肋骨幾次, 水準都算唔錯, 但今次發現完全唔得. 第一是份量縮到離晒譜, 雖然仍然是6件, 但每件的size和以前的相比實在差太遠. 唔單只鈿件, 每件骨啲肉非常之小, 骨就大大條, 好搵笨. 除了細件之外, 又唔夠香和唔夠熱, 完全不是燒豬肋骨應有的味道.
吃了4款食物, 但竟然沒有一款是滿意的, 結脹卻要成283元, 完全唔值! 同等價錢我寧可食UCC好過, 起碼都坐得舒服啲. 以後不會再來了, 當然包括屯門那邊的分店在內.
張貼
