影片
更多
2019-03-09
430 瀏覽
老實講 我真係好後悔冇睇食評就去左呢間稻香食。話說今日出到旺角見平時打開邊爐嗰幾間都大排長龍就見到對面有間稻香 心諗未試過稻香 應該吾會好伏掛 始終都係集團式點知呢個決定 原來係錯一入到去已經人山人海 星期五晚都無可厚非 門口帶位嗰幾日一味係度嗌 一個傳一個咁叫人帶我地坐低 嗰位女士離遠指住張枱 叫我地自己行過去算啦 對於呢啲酒樓 本身都冇大期望 咁我地就講左係打邊爐 坐低左連枱布都冇人收 嗌幾次先有人木無表情咁收走枱布之後叫左個雞煲 再加左幾款火鍋配料 問女侍應個雞煲可吾可以少辣 佢只係掉低一句 冇架咼 整定晒架啦 結果等左三四個字 都未有個鍋上 講緊係個鍋都冇 但就上左肥牛，蝦，蜆同三至四碟既配料 諗住問人可吾可以跟一跟 一係就冇人 一係就當聽吾到 一啲就吾應吾理 仲要個個都係一路行一路講野 後尾叫做有個似係部長既男人行過 叫佢跟一跟 佢都叫做應下你 尚算客氣 Btw我冇諗過既雞煲原來都係等咁耐都算啦 等左半個鐘有多 仍然冇野上過 搵左兩個女侍應 都係吾應人 一係就不停話好多野做 下面又好多人 不停叫我地等 係要耐啲架啦呢下真係火都黎 佢23分黎左一次食物咁大把 到九點鐘再問 吾過
話說今日出到旺角見平時打開邊爐嗰幾間都大排長龍
就見到對面有間稻香 心諗未試過稻香 應該吾會好伏掛 始終都係集團式
點知呢個決定 原來係錯
一入到去已經人山人海 星期五晚都無可厚非 門口帶位嗰幾日一味係度嗌 一個傳一個咁叫人帶我地坐低 嗰位女士離遠指住張枱 叫我地自己行過去
算啦 對於呢啲酒樓 本身都冇大期望 咁我地就講左係打邊爐 坐低左連枱布都冇人收 嗌幾次先有人木無表情咁收走枱布
之後叫左個雞煲 再加左幾款火鍋配料 問女侍應個雞煲可吾可以少辣 佢只係掉低一句 冇架咼 整定晒架啦 結果等左三四個字 都未有個鍋上 講緊係個鍋都冇 但就上左肥牛，蝦，蜆同三至四碟既配料
諗住問人可吾可以跟一跟 一係就冇人 一係就當聽吾到 一啲就吾應吾理 仲要個個都係一路行一路講野 後尾叫做有個似係部長既男人行過 叫佢跟一跟 佢都叫做應下你 尚算客氣 Btw我冇諗過[整定晒]既雞煲原來都係等咁耐
都算啦 等左半個鐘有多 仍然冇野上過 搵左兩個女侍應 都係吾應人 一係就不停話好多野做 下面又好多人 不停叫我地等 係要耐啲架啦
呢下真係火都黎 佢23分黎左一次食物咁大把 到九點鐘再問 吾過份姐下話 更何況牛丸貢丸呢啲吾洗煮啦掛
跟住男朋友忍吾住出聲 個女侍應先求期係入面拎左兩碟肥牛同蝦 我心諗佢係度敷衍我地 只係一味叫等 我地都明多人 但呢度啲人既態度真係吾要得 到九點四五到都未有 我地已經加單 都係冇黎 跟住男朋友開聲再嗌人 佢地先彈一句
入。面。冇。左。張。單
真係無晒言 有個似係部長既女人同個侍應講 執左俾呢枱先啦 個嘴臉表現到我地好麻煩咁 到最尾上反少量野食 不過冇心機 成肚火都吾知食左乜 個爐仲要咁耐都冇人加過一次水 水壺都冇個
其實左手邊嗰枱都催左碟菜幾次 但個女侍應直程吾應兼扮聽吾到就走左去 佢地叫取消都冇人理
隔左冇耐 右手邊個枱岩岩入黎聽到我地催野都話呢度啲野等好耐
最好笑佢地嗰枱又係冇人收野 仲要成個托盤係張枱 真係有料
去完廁所仲見到位男士要行埋出去似係出聲位既地方 問侍應有冇漏單兼自己拎埋啲野反枱 仲話樣樣野都冇晒冇得賣咼
如果咁既價錢 出便有更多百零蚊 平靚正既選擇 呢度兩個人咁都食左四百五十幾兼收服務費 真係冇下次 冇服務仲要收服務費 好意思嗎
張貼
