魚米家魚湯米線 (已結業)

08/11晚因阿媽唔煮飯，又想食D有湯0既0野，所以叫bf去買魚湯米線外賣接濟我，我地要0左佢做招牌0既順德魚腐米線($28)同埋香茅雞翼拼魚皮餃米線($30)，嘩！只係無幫襯個幾月，兩款0野都貴0左三蚊喎！唔通個市真係咁好？不過一食已經極之失望，先講佢個招牌魚腐米線，飲一啖魚湯，覺得極「濃味」，再飲多啖已經鹹到有D頂唔順喇，點舍D魚腐仲衰，淋pet-pet近乎霉不特止，仲要又係鹹到死，都唔知個廚師係脷D味蕾係咪有問題，咁鹹都可以比D客食！另外0既香茅雞翼拼魚餃米線，個魚湯底就梗係一樣鹹啦，就連雞翼都唔得，D雞翼係炸0既都算喇，但一D香茅味都無，淨係得陣牛油味，咁究竟係改錯名定係廚房整錯呢？魚餃就一般行貨貨色，ok啦！咁0既水準收咁0既價錢，我諗都唔駛旨意我有下次喇！