OWLS Coffee (已結業)

呢間咖啡店的Piccolo加牛角包早餐就幫襯得多，今日Lunch Time心思思想去飲咖啡於是又去幫襯。兩個人點了三份野食，分別係雲蛋多、牛油果多士同埋午餐肉牛角包，咖啡就揀咗Cold Brew，可以話係一餐又靚又好味的午餐。雲蛋多其實就係打起的蛋白做到成舊雲咁樣，配以紅菜頭多士托底，顏色配搭令人開心到震，不過雲蛋多建議快手影相跟手快D入口，否則D蛋白汁會整濕個底的多士令佢唔夠脆。牛油果多士就用新鮮牛油果，牛油果夠熟，所以本身就已經好好食，再加埋金薄，真係成個靚晒。午餐肉牛角包入口有好充實的感覺，不過又唔會太油膩，配埋拌碟沙律菜，減低了罪惡感。Cold Brew的冰底有薄荷葉，令到咖啡入口更fresh，咖啡味夠香，值得一試。