開飯主義

營業中

休息中

🔺農場雞扒蘿宋濃湯通粉先講吓個羅宋湯！個湯真係好好飲😋味道好濃，茄味好足，但又唔至於係好酸嗰隻，好易入口。個湯亦好足料，有蕃茄、西芹、椰菜、紅蘿蔔、薯仔、瘦肉，每一啖湯都會連埋啲蔬菜一齊食到！我覺得，呢個湯係連啲唔係特別喜歡茄湯嘅朋友都會鍾意，食到我舔舔脷😙😙😙個雞排都有驚喜！肉質好嫩滑，大小亦適中。不過，因為我叫外賣嘅，個雞扒浸咗喺個湯一陣，所以就唔知個皮脆唔脆啦。雖然，呢個早餐冇餐包或者雞蛋腸仔嗰啲配料，但我覺得佢嘅味道係值得呢個價錢($38)，跟餐嘅凍奶茶亦有一定水準，所以我一定會再嚟多次！