團日式拉麵

營業中

休息中

之前已經save低呢間拉麵，今次荃灣體育館打波前黎試下。原來之前都有經過，每次都唔覺多人所以冇諗住試。呢度有自助拉麵機自己先買飛，本身已有蛋一隻。好搞笑地找少左一蚊，尷尬咁問職員拎番。我揀左櫻花蝦幼麵,湯還可以，都夠熱。雖然麵冇硬度揀，但比想像中煮得好，幾有我想要既口感，偏硬個一種。雖然整體印象唔深刻，但都幾滿意。份量都幾夠，我平時大食慣。老公揀左魚介曲麵，我試左一啖，我覺得我碗好食d。價錢八十幾都還可以啦。食既時候播緊忍者亂太郎,宜家個腦又loop緊。