The Town (已結業)

話說呢日去中環同合作夥伴開會，傾傾吓見時候都唔早，不如搵個地方一邊食飯，一邊傾埋下半場，要搵個地方又方便，又唔會好多人，又好食，於是夥伴就推薦咗呢間，果然冇介紹錯，餐廳好近蘭桂坊，而且好有私竇 Feel，一入到去首先有一個賣酒的 Area 俾客人揀支靚酒，然後先至食飯。今次我哋食嘅商務晚餐非常抵食，有鮑有翅，價錢都只係 598，連埋加一都唔使 700，飲埋酒就睇你飲幾多啦。晚餐裡面包括有，紅燒脆皮乳鴿、紅燒竹笙蟹肉翅、菜芯度炒日本帶子、千層腐南非鮑、鮮露筍牛肋粒等等，味道做得非常唔錯，明顯高於一般中菜廳的水準，而且亦擺放得幾精緻，好抵食！