泛后甜品 (已結業)

今日瞓醒突然好想食腸粉，本來諗住去街口檔小食亭度買外賣，點知條街咁熱，咁行多兩步去泛后度食啦，一來有位坐有冷氣，二來一陣諗住去埋對面超市買野，順路啫。隨意坐低後看看甜品牌，都有啲糖水想食嘅，但都係食完腸粉再決定。叫了十蚊腸粉，十蚊辣魚蛋，坐定定等食。等左一分鐘倒已經有得食，姐姐好快手，仲好客氣咁比左好多豉油同好多醬，成碟腸粉浸泡在醬汁中，游水咁樣腸粉彈牙，熱辣辣又無蒸過龍，軟硬度適中，勁正呀多花生醬同甜醬，肥死都唔理啦魚彈有咬口，要了辣味都唔太辣，可能浸左係甜醬度啦。廿蚊食飽飽，糖水都係留下次吧。