麺家金鰭

營業中

休息中

日頭去完西九野餐後夜晚到園方醫肚仔，呢間小店喺正地鐵站旁邊，主打多款口味嘅日式拉麵，店內環境唔大，半開放式，店員服務態度有禮，價錢親民，地點方便，經過值得一試呀！招牌菜有Rich Sea Bream Fish Ramen，湯頭以鯛白熬成，味道濃郁，十分鮮甜、配料十足，有齊鯛魚塊、腩肉/豬肩叉燒同溏心蛋，肉質嫩滑，入口即溶、上面搭配紫洋蔥、三葉香菜、竹筍同五色玄米粒，增添口感，讚👍個人喜歡Japanese Clam Soy Sauce Ramen，以蜆貝熬成，湯底又鮮又香，鹹鹹哋，完全唔膩，配料包括櫻花麩、蜆貝、腩肉/豬肩叉燒、青蔥、紫洋蔥同白韭菜，清淡之選，食開重口味嘅就要返上面嗰款啦🤣經典款有Rich Soup Ramen，以豬肉同雞肉熬成嘅濃湯，配料基本上一樣，但整體肉味更突出。麵條軟硬度適中，勝在夠掛汁，越食越上癮，而且份量比想像中多，性價比高。雖然呢度主打拉麵，但見周圍都有唔少客叫咗佢哋嘅丼飯同套餐。叉燒丼超有驚喜，肉質鮮嫩多汁，偏肥，香氣四溢，炭燒味超正、飯粒軟糯又飽滿，仲有少量醬汁，足以撈到成個飯🥹小時都有幾多選擇，涼拌菠菜食落幾開胃、雞塊好大，外脆內嫩、八爪魚球唔粉，加埋