影片
更多
2014-02-11
1788 瀏覽
去完親戚處拜年，剛好晚飯時間，聽D friend 講明珠閣的叉燒好食，一於擇日不如撞日，試下味先。點咗四個餸、一籠點心，上菜時間算幾快，期間待應不斷為我地加茶，服務算到位。蜜汁叉燒皇(例) 98元店鋪主打菜，叉燒真係幾好味，麻雀牌甘上下大既叉燒、大大舊切開有八、九件。燒得微焦既外皮外脆、肉質淋淋地，蜜味且多汁；連八十幾歲既婆婆都趙得到，好吃！水煮牛肉 88元牛肉唔韌，好咬口；配以芽菜、粉絲，一般在川菜店吃的會做得很辣，但佢個獻汁唔算辣會啱多D廣東人食，餸飯一流。懷舊金錢雞 68元想起了兒童時，家住屋邨的燒臘店買十蚊有六隻的年代了。金錢雞並不是雞，因為以前窮苦大眾嫌雞貴，食雞要等大時大節。燒臘鋪會用D剩餘叉燒、雞肝和肥豬肉夾埋整成金餞的樣子。所以吃來一番滋味在心頭。這裏出品的金錢雞，個人覺得件叉燒固然好喇、件燒雞肝都唔錯，但件肥豬肉有D肥肥膩膩，對於三高人仕和正在減肥的你我就唔推介了！麵醬唐生菜 62元熱辣辣夠哂鑊氣既炒生菜，麵醬獻汁味道適中，炒得色澤翠綠、令人胃口大開。點心(雙籽燒賣)38元呢個點心上得慢，等到D餸最後至上枱，可能即叫即蒸要時間喇！熱騰騰蒸好的切肉燒賣豬肉肥瘦均勻、蝦
點咗四個餸、一籠點心，上菜時間算幾快，期間待應不斷為我地加茶，服務算到位。
蜜汁叉燒皇(例) 98元
店鋪主打菜，叉燒真係幾好味，麻雀牌甘上下大既叉燒、大大舊切開有八、九件。燒得微焦既外皮外脆、肉質淋淋地，蜜味且多汁；連八十幾歲既婆婆都趙得到，好吃！水煮牛肉 88元
牛肉唔韌，好咬口；配以芽菜、粉絲，一般在川菜店吃的會做得很辣，但佢個獻汁唔算辣會啱多D廣東人食，餸飯一流。懷舊金錢雞 68元
想起了兒童時，家住屋邨的燒臘店買十蚊有六隻的年代了。金錢雞並不是雞，因為以前窮苦大眾嫌雞貴，食雞要等大時大節。燒臘鋪會用D剩餘叉燒、雞肝和肥豬肉夾埋整成金餞的樣子。所以吃來一番滋味在心頭。這裏出品的金錢雞，個人覺得件叉燒固然好喇、件燒雞肝都唔錯，但件肥豬肉有D肥肥膩膩，對於三高人仕和正在減肥的你我就唔推介了！
麵醬唐生菜 62元
熱辣辣夠哂鑊氣既炒生菜，麵醬獻汁味道適中，炒得色澤翠綠、令人胃口大開。點心(雙籽燒賣)38元
呢個點心上得慢，等到D餸最後至上枱，可能即叫即蒸要時間喇！熱騰騰蒸好的切肉燒賣豬肉肥瘦均勻、蝦肉鮮味、蒸熟後再加上魚子和蟹子，擺到明玩中西 合壁 cross over ,但真係幾好食：食入口汁多肉爽，魚子蟹子和燒賣在口腔內交織成章，口味獨特，而且賣相不俗，真係值得一試！四個人四餸一點心加白飯，圍起每人百一蚊到，都算幾OK 吖！
張貼
