榮記茶餐廳

營業中

休息中

食晏時間經過，個阿姐仆出嚟拉客，我哋就係咁歹... 諗住茶記死極有效你就錯啦🙂 先嚟個"溫暖牌"凍鴦，飲噡冰水都咪話唔正講返正題: 我哋兩條茂利都嗌咗叉燒，一個併雙蛋一個併炸醬。蛋邊燶到以為炸蛋殻，蛋汁少到冇人有，而重點係期待已久嘅 叉 • 燒。先講味道，鹹到以為鹽焗(冇錯，完全食唔出係燒，點知佢話係蜜汁)，賣相則似燒腩仔，中間全部都係肥，咬落仲好有親切感——似足老火湯啲湯渣。冇餸，諗住豉油佐飯照鯁，誰不知佢啲飯黏過糊仔，啱晒冇奶水嘅媽媽。 總之，想刺激味蕾有死去活來嘅體驗就嚟坐低飲杯嘢啦！