港土茶記 (已結業)

引言︰試新野。食物︰叉燒，睇見唔少介紹話用低溫機浸煮，有別一般中式燒味，仲要係招牌野黎。食落就有點彈牙，食叉燒食到彈牙真係第一次，少了一般食到既香口，無咩肉味亦少了鬆化，蜜味好輕，點埋鼓油食都唔見得味道有所提升。對於我黎講，叉燒，都係燒的好食，這個我真係唔識欣賞。大排牌鮮魷，我就一心黎食叉燒，兩個人亦隨便叫多個餸試試，真係估唔到叫左個大排牌鮮魷。鮮魷彈牙鮮爽，係幾唔錯，蒜粒一大堆，眼見店家以無添加作賣點，蒜香真係食唔到有咩添加，不過仍然帶點香口。無添加有這水準，係很不錯。奶茶，茶唔幾好，不過奶好似幾重手。服務及環境︰- 唔知係咪夜晚既關係，差不多九點後，搵個侍應有點困難。- 環境，「摩登???」，各花有各眼。企理就係真的。抵食度︰唔平。總結︰雖然招牌叉燒真係唔對我胃口，不過見耐唔耐有新野出，可能或者應該會有機會再來的。