影片
更多
2022-08-19
596 瀏覽
估唔到金鐘站一岀行五至十分鐘，就可以到達好有深山feel嘅AMMO！餐廳樓底極高，落地玻璃採光十足，坐係窗邊嘅梳化位放眼望岀去真係有種被草木包圍，置身叢林之中嘅錯覺~ 最近AMMO就聯乘紐西蘭蘋果品牌Rockit®推出下午茶，係各式鹹甜點加入香甜爽脆嘅蘋果，食完仲有兩筒Rockit®蘋果比你帶返屋企(送完即止)。即日起供應至10月31號。窗邊位好搶手呢，想坐嘅記得預早book定！————————————————⠀⠀⠀🍎Rockit® Apple Fest Afternoon Tea $438 for two♠️ 𝐒𝐰𝐞𝐞𝐭 ♠️🌛雲呢拿慕絲蘋果🌛蘋果金寶🌛蘋果玫瑰水信玄餅🌛芝士焦糖布丁吉士撻🌛英式鬆餅配忌廉盒子自家製蘋果醬甜點之中，印象最深刻嘅一定係成個蘋果咁嘅雲呢拿慕絲！慕絲香甜軟滑，中間有帶rum香嘅蘋果粒，底下仲有厚厚嘅酥餅增添口感。蘋果金寶同英式鬆餅都唔錯喎！Crumble 香脆 ，底下嘅蘋果粒裹滿濃郁肉桂醬，好神奇地唔會太甜。Scone擺到最後先食 外層依然帶微脆，內𥚃濕潤唔黏口，牛油味唔算好重，但配埋自家製酸酸甜甜、味道天然嘅蘋果
最近AMMO就聯乘紐西蘭蘋果品牌Rockit®推出下午茶，係各式鹹甜點加入香甜爽脆嘅蘋果，食完仲有兩筒Rockit®蘋果比你帶返屋企(送完即止)。即日起供應至10月31號。窗邊位好搶手呢，想坐嘅記得預早book定！
————————————————⠀⠀⠀
🍎Rockit® Apple Fest Afternoon Tea $438 for two
♠️ 𝐒𝐰𝐞𝐞𝐭 ♠️
🌛雲呢拿慕絲蘋果
🌛蘋果金寶
🌛蘋果玫瑰水信玄餅
🌛芝士焦糖布丁吉士撻
🌛英式鬆餅配忌廉盒子自家製蘋果醬
甜點之中，印象最深刻嘅一定係成個蘋果咁嘅雲呢拿慕絲！慕絲香甜軟滑，中間有帶rum香嘅蘋果粒，底下仲有厚厚嘅酥餅增添口感。
蘋果金寶同英式鬆餅都唔錯喎！
Crumble 香脆 ，底下嘅蘋果粒裹滿濃郁肉桂醬，好神奇地唔會太甜。
Scone擺到最後先食 外層依然帶微脆，內𥚃濕潤唔黏口，牛油味唔算好重，但配埋自家製酸酸甜甜、味道天然嘅蘋果醬，口感同味道都唔錯。如果可以減少面頭嘅糖粉就更好，略嫌甜左啲 。
水信玄餅晶營剔透、水嫩滑溜，但入口只帶普通甜味。
布丁吉士撻嘅甜度就高左啲，亦唔夠smooth。
— — — — — — — — — — — — — ⠀⠀⠀
♠️ 𝐒𝐚𝐯𝐨𝐮𝐫𝐲 ♠️
🌛薯仔煙肉沙律三文治配甜酸蘋果
🌛鵝肝慕絲多士配蘋果啫喱
🌛日式蘋果咖喱酥
🌛風乾巴馬火腿伴哈密瓜
鹹點就正常發揮~ 有家姐好鍾意嘅薯仔沙律，薯仔軟腍調味岩岩好~ 咖喱酥香脆有層次，甜甜地偏日式路線，如果夠啲餡就好啦！鵝肝慕絲就有少少失望啦，鵝肝味同油香都偏淡。
— — — — — — — — — — — — — ⠀⠀⠀
♠️ 𝐃𝐫𝐢𝐧𝐤𝐬 ♠️
附送咖啡/茶
加$68即可品嘗”Apple Delight” Cocktail 或 Apple Earl Grey Tea
— — — — — — — — — — — — — ⠀⠀⠀
整體黎講，鹹甜點份量同比例唔錯，兩個人食完都唔會覺得好甜膩好飽濟。雖然味道上唔算話好有驚喜，但環境上完全營造到悠閒嘅氛圍，梳化位好寛落，食完仲有兩筒Rockit靚蘋果送 (真心香甜爽脆多汁)，呢個價錢👌🏿👌🏿👌🏿
張貼
