正宗雲貴川 (蘇杭街) (已結業)

店名：正宗雲貴川地址 : 上環蘇杭街123號地舖好味指數：7.8/10價錢：$48（凍飲+$3）口水雞薯粉身為無辣不歡的我lunch當然要搵d好野獎勵下自己。呢間米線店平時會成日叫外賣，因為我好鍾意食佢地的薯粉，佢地的薯粉比傷心的有少少唔同，形狀係扁身的，一樣係透明同煙煙韌韌。今日就約左朋友坐底堂食，食佢地招牌口水雞。一大碟口水雞配埋一碗薯粉加$3仲有埋野飲，算係咁啦！口水雞有成十舊，底下仲有芽菜，肉質幾滑，但唔夠傷心滑，不過酸酸辣辣入味又好開胃，用個汁撈個薯粉食都好好味。薯粉就大大碗，有埋芽菜 、韭菜同酸菜，好惹味。同傷心一樣，雞同粉都可以分別揀自己鍾意的辣度架!店名：正宗雲貴川地址 : 上環蘇杭街123號地舖好味指數：7/10價錢：$41（凍飲+$3）炸醬 、魷魚 、生菜米線米線冇薯粉咁好食，但係有時想食得輕盈d,唔想咁heavy就會揀米線。朋友order呢碗米線揀左豬骨湯，佢話湯底幾清甜，而我試左佢d肉碎，夾雜肥瘦肉，唔係話特別好食，亦可能因為唔辣的關係。