海皇粥店 (駱克道)

營業中

休息中

呢兩日牙齦發炎，食唔到硬食物！今日睇完牙醫，行到呢間連鎖店粥店，店面唔大，入內坐底，小圓枱一人獨佔，唔迫促！阿姐爽手落單！5分鐘唔使食物齊晒！餐具在桌子櫃桶！迷你南瓜粟米肉碎（$30）橙黃色，粥底係白粥底，所以預期中嘅淡口，中間有南瓜蓉同粟米粒，天氣食物甜味！不過肉碎黏著一大團！撈唔散！所以最後剩低晒啲肉碎團！整體ok齋腸：腸粉唔粗身，簡單加豉油同甜醬，腸粉好滑！索晒豉油！好味凍豆漿（跟餐$5）夠凍唔太甜！豆味就無乜！正常！我慢慢食！坐咗好耐！阿姐都無趕我！一個悠閒早餐！