影片
更多
2016-12-29
3038 瀏覽
我愛咖啡，愛到有點上癮既程度，驅史我周圍試唔同既咖啡。最初接觸呢間咖啡店係由朋友介紹而黎的，從此列入我的最愛名單。位於中環卑利街，一間外表樸素既小店，實際上大有來頭。店主Scottie Callaghan係2010年度澳洲咖啡師比賽冠軍，於2015年上旬在香港開設咖啡店Peel Street Espresso Bar，主要賣咖啡同輕食，即係呢間店既前身。現已改名為Fineprint，並拓展埋晚市，供應酒精類飲品。對附近打工仔真貼心阿～朝早黎飲杯咖啡醒吓神，放工又落黎小酌一杯relax吓。對fans黎講更加係福音呢～事關呢度之前係收下午2點咖，而家星期四至六收凌晨一點，真係想幾時飲就幾時飲呀。佢地既咖啡豆係由店主親自調配，並喺香港自設炒豆工場，夠曬新鮮。店員話佢賣既咖啡基本上都係用呢款Cornerstone Blend唔會轉，所以唔洗驚下次黎飲唔番同一款豆啦。Cornerstone Blend入面有來自4個地方既豆，而其中兩款豆各用左兩種烘焙方法，所以飲出黎有6個層次。沖出黎既咖啡飲落比較厚身，略帶生果酸味。Latte (small) $25牛奶同咖啡比例平均，飲到咖啡既濃香、牛奶既綿滑
最初接觸呢間咖啡店係由朋友介紹而黎的，從此列入我的最愛名單。
位於中環卑利街，一間外表樸素既小店，實際上大有來頭。店主Scottie Callaghan係2010年度澳洲咖啡師比賽冠軍，於2015年上旬在香港開設咖啡店Peel Street Espresso Bar，主要賣咖啡同輕食，即係呢間店既前身。
現已改名為Fineprint，並拓展埋晚市，供應酒精類飲品。對附近打工仔真貼心阿～朝早黎飲杯咖啡醒吓神，放工又落黎小酌一杯relax吓。對fans黎講更加係福音呢～事關呢度之前係收下午2點咖，而家星期四至六收凌晨一點，真係想幾時飲就幾時飲呀。
佢地既咖啡豆係由店主親自調配，並喺香港自設炒豆工場，夠曬新鮮。店員話佢賣既咖啡基本上都係用呢款Cornerstone Blend唔會轉，所以唔洗驚下次黎飲唔番同一款豆啦。Cornerstone Blend入面有來自4個地方既豆，而其中兩款豆各用左兩種烘焙方法，所以飲出黎有6個層次。
沖出黎既咖啡飲落比較厚身，略帶生果酸味。
Latte (small) $25牛奶同咖啡比例平均，飲到咖啡既濃香、牛奶既綿滑，互相輝映。
不過要注意既係我黎過咁多次，每位咖啡師既手勢都未必一樣，水準略有差異。
Latte
$25
339 瀏覽
0 讚好
0 留言
而上圖咖啡杯既圖案就係澳洲本土Redback Spider既背部，唔講唔知係蜘蛛背呀。
除左咖啡外食物都好吸引，飲杯咖啡，食件餅，人生一樂也。
店內採用高櫈同埋一張大長枱，舒適度一般。適合同朋友黎casual飲野～
小小提外話推動我打呢篇食評既原因係我發現咁好飲既咖啡喺Openrice上竟然未被發掘出黎，我想將佢介紹俾更多人認識，於是一係唔打，一係就做足功課了解多啲關於呢間店既故事。好多謝店長同我傾計時講左好多資料俾我聽，希望其他愛咖啡既人都鐘意呢度啦～
張貼
