口麻天辣

營業中

休息中

陪阿女去南昌站交收，順便係附近嘅商場行下，經過一間餐廳好吸睛阿女即話要入去食午餐兼打卡，MOTO MALA 口麻天辣內外都以柔和粉紅色設計為主調，就連餐具都是粉紅色，非常適合打卡餐廳地方不算大，中間係店員備餐空間，前面係一排吧枱，後面係有幾張餐枱。主打酸菜魚。天麻口辣精選午餐：每款主菜＋是日小食+是日涼菜＋白飯天花頂酸菜魚（小辣）：用金色架盛載上枱，擺放精美，酸菜魚份量十足，新鮮鱸魚肉質鮮嫩甜美，搭配精心熬制多個小時嘅的秘製湯底，可以自行選擇辣度或走辣，再配上酸爽嘅酸菜，美味可口。酸甜清新蕃茄魚口感酸爽，味道鮮美，魚肉細嫩可口，湯汁濃郁香醇。內𥚃加有粉絲，吸收咗蕃茄湯汁，味道酸酸甜甜爽口又醒胃。秘製口水雞（小辣）：口水雞入口初則甜中帶辣，辣而不嗆。 次則辣中帶香，香中帶麻，雞肉入口細嫩幼滑。每款主菜都奉送是日涼菜和白飯。涼拌萵筍絲、香辣土豆絲好爽口。麻辣牛𦟌軟稔入味。黃金酥炸小酥肉，外層酥香，裡面的肉條鮮嫩多汁。加上少許辣粉更惹味。香炸脆奶：酥脆的外皮包裹着濃郁的鮮奶，口感層次豐富。手打檸檬茶：手打檸檬茶採用香水檸檬，果皮較黃檸檬厚，味道清甜，沒有苦澀味。