影片
更多
2024-10-11
84 瀏覽
餐廳：口麻天辣 (深水埗)地址：深水埗深旺道28號V Walk 2樓L2-127-128號舖今次去到深水埗近南昌站V Walk嘅呢間口麻天辣食晚飯，呢一年幾佢哋keep住炮製拿手招牌嘅海鮮麻辣燙同酸菜魚比一眾街坊食客，留住咗唔少客人嘅胃😋，酸菜魚同出面一般嘅有所唔同，食完真喺幾有驚喜🎊餐廳仲搵嚟本地插畫師傭仔設計咗Mototo同Malala兩個可愛角色，以少女粉紅風格成功吸引咗唔少人嚟打卡影相📸，喺商場行過見到餐廳都即刻俾佢吸引咗眼球👀✝️口麻天辣豐盛晚餐特盛1人前——天花頂酸菜魚 $138呢個招牌酸菜魚用咗新鮮鱸魚煮成，每塊連肉帶皮嘅魚肉都非常嫩滑鮮味🐟，以獨特嘅藤椒、花椒、指天椒等香料打造出辛、酸、香、辣嘅滋味🌶️，加上完全估唔到嘅炸蒜、芝麻同桂花，無論香味同口感層次都即刻昇華，確實值得試試🤓。另外仲有是日涼菜——麻辣藕丁，同是日小食——香炸脆奶，前者爽口香辣夠開胃，後者即叫即炸外脆內嫩，有輕微嘅奶滑同奶香，過吓口癮幾好👍✝️彩虹冰粉 $38用咗黑芝麻、花生、提子乾、大西米、紅豆蓉同酒糟整整齊齊咁鋪喺冰粉上面，賣相幾靚🤩，而冰粉用咗烏龍茶去調製，入口冰涼，加上各種配料嘅唔同口感同味道，喺
地址：深水埗深旺道28號V Walk 2樓L2-127-128號舖
今次去到深水埗近南昌站V Walk嘅呢間口麻天辣食晚飯，呢一年幾佢哋keep住炮製拿手招牌嘅海鮮麻辣燙同酸菜魚比一眾街坊食客，留住咗唔少客人嘅胃😋，酸菜魚同出面一般嘅有所唔同，食完真喺幾有驚喜🎊
餐廳仲搵嚟本地插畫師傭仔設計咗Mototo同Malala兩個可愛角色，以少女粉紅風格成功吸引咗唔少人嚟打卡影相📸，喺商場行過見到餐廳都即刻俾佢吸引咗眼球👀
✝️口麻天辣豐盛晚餐特盛1人前——天花頂酸菜魚 $138
呢個招牌酸菜魚用咗新鮮鱸魚煮成，每塊連肉帶皮嘅魚肉都非常嫩滑鮮味🐟，以獨特嘅藤椒、花椒、指天椒等香料打造出辛、酸、香、辣嘅滋味🌶️，
加上完全估唔到嘅炸蒜、芝麻同桂花，無論香味同口感層次都即刻昇華，確實值得試試🤓。
另外仲有是日涼菜——麻辣藕丁，同是日小食——香炸脆奶，
前者爽口香辣夠開胃，
後者即叫即炸外脆內嫩，
有輕微嘅奶滑同奶香，過吓口癮幾好👍
✝️彩虹冰粉 $38
用咗黑芝麻、花生、提子乾、大西米、紅豆蓉同酒糟整整齊齊咁鋪喺冰粉上面，賣相幾靚🤩，
而冰粉用咗烏龍茶去調製，入口冰涼，加上各種配料嘅唔同口感同味道，喺個幾豐富、特別嘅特色甜品
✝️手打檸檬茶 $33
最後試埋餐廳呢個人氣特飲🍹，用咗泰國青檸、香水檸檬同普通檸檬🍋，加上烏龍茶手打成檸檬茶🌱，個人覺得啱啱好嘅酸甜度同檸檬香味，加埋醇厚度適中嘅茶香，確實有別於一般嘅普通檸茶
如果甜品同飲品有得用套餐優惠價去加配應該會更吸引😗
張貼
