胡爐 (已結業)

講到高質邊爐，呢間位於厚褔街嘅胡爐真係唔可以唔提！餐廳裝修以古典中國風，古典中帶貴氣，令人好舒適~坐底即叫咗2 個湯底推薦👉濃湯佛跳牆雞翅鍋，呢個湯底單飲已經好濃雞湯味，入面好足料，有鮑魚、魚翅、雞等，先飲碗湯，再用嚟打邊爐~另一款湯底就要咗四川紅麻辣鍋，鐘意食辣嘅唔好錯過，味道麻辣鮮香，咸香而帶辣！打邊爐前叫咗個小食，老友鬼鬼都幾得意，外脆內軟，單食又得，放落鍋到煮一煮又得，唔同方法，唔同口感~胡爐牛併盤係絕！2款湯底都好夾，突出到牛嘅嫩同牛味濃，一盤有齊牛嘅唔同部位，有牛舌芯、安格斯牛切肥牛、極上手切牛頸脊、牛胸爽同霜降牛粒，當中最好食係極上手切牛頸脊，雪花分佈平均，放入鍋幾十秒就食得！配咗個蔬菜盤，夠新鮮~一盤菜類多，2個人都夠人！打邊爐又點可少得丸同餃子~丸就較為精緻，有黑松露墨魚丸、墨丸、蝦丸、芝心丸，必推黑松露墨魚丸，黑松露味極濃，而且丸質彈牙！餃子就鮮蝦雲吞、xo醬帶子餃、魚皮餃~皮薄餡靚，就算唔配醬料都好夠味！整體： 餐廳雖小，但餐廳古典雅致，食物質素好高，由環境到食物都可享極高嘅享受~胡爐🌟尖沙咀厚福街8號H8 16樓