九龍坎麻辣火鍋 (僑冠大廈) (已結業)

喺香港食正宗四川火鍋🍲嘅選擇唔多，北角呢間《九龍坎》就係其中一間。環境《九龍坎》嘅裝潢非常之古色古香🥢好有宮廷風。而且呢度仲好乾淨（呢點真係好重要❗️），每枱亦好闊落，好夠privacy!食物同一般嘅中式火鍋唔同，餐廳主要係提供川式嘅湯底同火鍋料，例如：成都麻辣湯底、牛蛙、鴨腸、腦花等等，呢d喺普通火鍋店都未必食到。鍾意❤️呢類型食物嘅朋友不妨可以一試😌我同媽媽就揀咗鴛鴦湯底 $116（輕成都麻辣 — 啱d唔係好接受到牛蘇味嘅朋友 +野菌）、肥牛、章魚🐙丸、豆腐串、紅糖糍粑等。每樣火鍋料都好高質，尤其係個章魚丸，好夠彈牙，同埋裏面係滿滿嘅章魚，必叫😋食完之後，其實我哋已經飽到上心口。但食甜品絕對係另一個胃嚟嘅🤭所以我哋仲叫咗呢個色彩繽紛嘅冰粉，上面係山楂、火龍果、花生，健康又解渴😍呢度仲有兩款雪山冰❄️🧊可以食，不過我哋實在太飽啦，下次一定要試！想揀一個舒適、乾淨、食物質素有保證嘅四川火鍋店，《九龍坎》係一個非常好嘅選擇。