影片
更多
2017-03-30
71 瀏覽
果日行下行下旺角，發現左有間貌似好地道既桂林米線既舖頭，成個鋪面都好古色古香，就咁睇落企理，裏面得幾張枱，但係咁啦唔使等位，就入去試下。呢度係好似車仔麵咁樣自己點自己想食啲乜嘢配料，款式貴精不貴多，最後我點左一碗干撈土豆粉，薯粉不嬲都係我嘅至愛，朋友就點左一碗桂林米線，招牌菜睇下有冇驚喜。干撈土豆粉＄46本身睇落好似幾咸，但又唔係喎，唔會得個咸字搶晒啲味，土豆粉睇落個樣同平時啲薯粉唔同，係白色而唔係透明色嘅，但係咬落比平時嘅薯粉好似更加煙韌更加彈牙，好有質感。加左個香煎豆腐，都有成3，4件喺裏面，會有都幾大件，外面煎香左，裏面有好濃嘅豆味，都幾好食。桂林米粉＄38啲餸嘅份量都夠大，普通一個例牌都已經又有蛋又有肉碎而且仲有菜添，唔需要另外再叫。味道比起乾撈土豆粉更加濃，但食得出唔係味精味，酸菜份量啱啱好，吊味得來又唔會令到成碗粉嘅酸味太多。樣都加左香煎豆腐。單骨鷄翼＄10分開上令到雞翼唔會比啲湯浸林左，非常好，上枱嗰陣雞翼有陣陣既香茅味，肉質鮮嫩仲要夠熱，最重要係單骨嘅雞翼非常易食，唔會食到離咁Hea👍🏻老闆仲要驚我地唔夠餸，話外面有酸蘿蔔可以自己加，加左幾舊好清新，甜酸適中。兩個人食＄
呢度係好似車仔麵咁樣自己點自己想食啲乜嘢配料，款式貴精不貴多，最後我點左一碗干撈土豆粉，薯粉不嬲都係我嘅至愛，朋友就點左一碗桂林米線，招牌菜睇下有冇驚喜。
干撈土豆粉＄46
本身睇落好似幾咸，但又唔係喎，唔會得個咸字搶晒啲味，土豆粉睇落個樣同平時啲薯粉唔同，係白色而唔係透明色嘅，但係咬落比平時嘅薯粉好似更加煙韌更加彈牙，好有質感。加左個香煎豆腐，都有成3，4件喺裏面，會有都幾大件，外面煎香左，裏面有好濃嘅豆味，都幾好食。桂林米粉＄38
啲餸嘅份量都夠大，普通一個例牌都已經又有蛋又有肉碎而且仲有菜添，唔需要另外再叫。味道比起乾撈土豆粉更加濃，但食得出唔係味精味，酸菜份量啱啱好，吊味得來又唔會令到成碗粉嘅酸味太多。樣都加左香煎豆腐。單骨鷄翼＄10
分開上令到雞翼唔會比啲湯浸林左，非常好，上枱嗰陣雞翼有陣陣既香茅味，肉質鮮嫩仲要夠熱，最重要係單骨嘅雞翼非常易食，唔會食到離咁Hea👍🏻
老闆仲要驚我地唔夠餸，話外面有酸蘿蔔可以自己加，加左幾舊好清新，甜酸適中。兩個人食＄100就有咗啦，咁就搞掂一餐晚飯。
張貼
