影片
更多
2022-07-24
211 瀏覽
今晚放工嚟到九龍城行吓，經過見到呢間台式烤魚任食，都幾得意喎，入去試吓啦😚問好咗係$398兩位，任食都ok呀，因為我鍾意台式飲品，所以仲加咗每位$20任飲台式飲品😋全晚共飲5-6杯，抵返🤣其實主菜有好多款式可以揀，但係我哋根本唔大食，所以選最想食嘅主菜 - 古早酸菜味烤魚，因為好耐無食酸菜魚了，所以好期待🥰酸菜魚到啦，嘩！好大條！感覺到食完會飽咗一半🤣開動了！啲魚肉好有質感，又夠滑，魚味好鮮甜喎🤤仲有好多配菜喺入面，酸菜、唐芹、貢丸、墨魚丸、豆卜，好豐富又好味😋覺得呢條魚真係好味，個酸菜湯底好好，酸度調較得好啱👍問吓店員，原來呢款魚嘅品種係鉗魚🐟🐟我哋真係好細食，都食唔到其他主菜（好可惜🥲），惟有點多幾款無限追加的配菜😝另外仲點咗個蚵仔滷肉飯，好得喎！蚵仔都幾大粒，而且滷肉碎鹹度得宜，估唔到放題可以任食滷肉飯🤣其他配菜，貢丸同墨魚丸好味，所以encore🥰鹽酥雞好酥化，熱辣辣配千島汁，讚👍食咗唔係超級多嘢，但飽了，要點個甜品 - 「196台式芋圓」享受一下😎店員問我哋係咪要2個（一人一個）？嘩！攪唔掂，邊食得晒🤣所以要1個夠晒！正，夠晒冰凍😍豆腐花配涼粉，再加上煙煙韌韌的芋圓，凍凍的、
問好咗係$398兩位，任食都ok呀，因為我鍾意台式飲品，所以仲加咗每位$20任飲台式飲品😋全晚共飲5-6杯，抵返🤣
其實主菜有好多款式可以揀，但係我哋根本唔大食，所以選最想食嘅主菜 - 古早酸菜味烤魚，因為好耐無食酸菜魚了，所以好期待🥰
酸菜魚到啦，嘩！好大條！感覺到食完會飽咗一半🤣開動了！啲魚肉好有質感，又夠滑，魚味好鮮甜喎🤤仲有好多配菜喺入面，酸菜、唐芹、貢丸、墨魚丸、豆卜，好豐富又好味😋覺得呢條魚真係好味，個酸菜湯底好好，酸度調較得好啱👍問吓店員，原來呢款魚嘅品種係鉗魚🐟🐟
我哋真係好細食，都食唔到其他主菜（好可惜🥲），惟有點多幾款無限追加的配菜😝
另外仲點咗個蚵仔滷肉飯，好得喎！蚵仔都幾大粒，而且滷肉碎鹹度得宜，估唔到放題可以任食滷肉飯🤣其他配菜，貢丸同墨魚丸好味，所以encore🥰鹽酥雞好酥化，熱辣辣配千島汁，讚👍
食咗唔係超級多嘢，但飽了，要點個甜品 - 「196台式芋圓」享受一下😎店員問我哋係咪要2個（一人一個）？嘩！攪唔掂，邊食得晒🤣所以要1個夠晒！正，夠晒冰凍😍豆腐花配涼粉，再加上煙煙韌韌的芋圓，凍凍的、甜甜的，加入新鮮椰漿，好香啊🥰🥰飽滯感即時減退了不少🥰
2個人食都係每位$240，食到我哋2個捧住2個肚走，真係算幾抵！😚如果大家嚟到，胃口好的話，真係可以試匀咁多款主菜，就會比我倆覺得更抵食🤣
張貼
