意粉 360 (已結業)

呢日同媽子過黎屯門，唔知點解好想走入黎呢度食野。呢度野食唔算太貴，而且選擇都算幾多，所以都幾吸引我呢後生仔。不過呢日就唔叫set，反而想散叫。小食芝士焗茄子意粉屋都會食既產品，呢度都整得幾好。預先將茄子加上蛋漿半煎炸，再加上白汁同芝士焗。點樣會唔好食呢？個茄子好惹味，而且芝士味好濃，真係幾好食架。主菜和風咖喱一口雞石鍋飯一口雞即係細件既炸雞，呢個就無乜特別。而個咖喱汁就唔會太辣，但同個飯既味道都幾夾。每次食石鍋飯，都期待既飯焦，呢次就唔係太多啦。我有失望，點都好，呢個飯都唔錯既。煙三文魚pizza呢個幾好食，個批底整得好薄。而且配料好多，煙三文魚係好新鮮。而且個芥茉醬既味道好惹味，而且芝士份量都幾多。真係好正。飲品、甜品凍莫加咖啡一飲落去，咖啡味好重。但當中又不乏朱古力味，而且可以自已落糖水，甜度可以自已控制。綠茶雪糕綠茶味好濃既雪糕，但又不乏奶味。呢餐都唔錯既，食物既質素都唔錯。而且坐得舒服，點都有下次既。