Mee...lemongrass (Megabox) (已結業)

今日初八開爐，啲同事唔想又飲茶開年咁悶😴，去Megabox徘徊無助😵時就見到呢間新開嘅星馬🇸🇬🇲🇾菜，平時好少上到11樓咁高搵食，據員工所講呢間都開咗幾個月，不過中午一點🕐所見人流唔算多，一入就有位喇！我地一行四個點咗海南雞配喇沙、咖喱牛同2個肉骨茶餐，全部唔使五分鐘就上齊，大家都極速開動喇！肉骨茶🦴啲料有好多，但湯嘅顏色比較淡，食落亦冇咩藥材味，似係肉湯多啲，而主角肉骨唔多入味，亦都無肉味，比較可取就係肉煮得軟硬適中，反而作為配料嘅腐竹同豆卜就好入味，而冬菇食咗一舊有苦味就冇再食。同事食咖哩牛🍛就好評不斷，除咗白飯🍚夠大碗可以配食咖哩，啲牛腩同牛根🐮都煮得好軟身，咖哩有好香濃嘅椰香味🥥，送飯真係一流，唯一美中不足就係個湯淡得好似水咁。另一同事食海南雞🐥配喇沙，覺得喇沙既椰香🥥都好出，但麵略為硬身，啲雞睇落好吸引，食落卻冇咩雞味🐥，令人有啲失望。