Soiree (已結業)

有次星期六喺中環趁未夠鐘食晚飯，同老婆去happy hour飲杯cocktail消磨下時間...今次happy hour唔係飲啤酒，想飲D有果味嘅cocktail。店內位置未算舒適，但鍾意飲cocktail嘅朋友一定要試，首推熱情果同士多啤利兩款口味；酒同果汁比例啱啱好，入口幾舒服，有酒味但唔算濃烈。Smoothie打得好滑，水果味濃郁又唔會太甜，好適合唔鍾意飲太甜嘅香港人。酒杯邊鋪咗少少朱古力粉，大大增加cocktail嘅層次感，整體嚟講杯酒口感好豐富，特別適合女仔飲(但應該唔太啱男士)，尤其喺炎炎夏天飲就特別開心，解暑又夠大杯，性價比唔錯。