霹靂南洋 (Ladder Dundas) (已結業)

屋企人生日諗住去試下中/西餐以外既餐廳，亦因為我地有親戚都住馬拉，所以揀左馬拉菜試試佢，當係一個想念啦！餐廳既食物選擇唔算好多，我地當然揀左肉骨茶啦～豬手肉骨茶同埋腩肉排骨肉骨茶。熱就夠熱，可惜肉骨茶得陣咸味，無個種類似中藥既味道飲落口之後亦都無令人暖笠笠個種感覺，流流地，只係似一個熱湯浸肉既煲咁，有啲失望。（去馬拉飲過既肉骨茶飲完會有小小發熱既感覺）之後亦都叫左個小食拼盤同怡保芽菜雞半隻，講真兩樣野都好一般，如果你話係港式菜我都無咁失望可能辣到似馬拉野咁就可以叫做係馬拉野掛，而我地再嗌野食既原因只係因為4個人唔係好夠飽先揀，menu選擇都唔多。難得同屋企人食飯大家都食到頹左，無下次。