民聲冰室 (已結業)

只有肉餅！行山前大家約在民聲集合，先到先攞位！去到都早！講定有好多人來緊！店員好好咁比咗閣樓3張枱，普通茶餐廳格局，橙白色搶眼！公眾假期都唔多人！店員唔係成日上閣樓，不過一上就幾nice，要求好快做到！鹹蛋蒸肉餅：招牌菜，賣相可愛，一座小山，豬肉唔嚡，有肉汁！唔知點樣做到！平時咁厚嘅肉餅實好硬！鹹蛋唔太鹹！不過豉油好鹹！墊嘅肉餅索晒！食唔到！午餐肉餅份量唔大，剛剛好夠飽！泰式雞絲河：失敗失敗失敗！肥髀要食呢樣！但來到我同佢呆咗，整碗麵舖滿好多炸蒜！整碗湯好油膩，味道又唔夠，河粉唔滑，雞絲嚡！失敗！凍檸茶：假日無包飲品！叫一杯同阿女分享！茶底濃而不澀！幾好！呢度都係食肉餅夠了！